«Marsel» hujumchisi Meyson Grinvud mashg'ulotlar jarayonida intizom qoidalariga amal qilmayotgani haqida xabarlar tarqaldi. Marokash terma jamoasining sobiq a'zosi Yunes Belxanda angliyalik futbolchining xulq-atvori borasida jiddiy xavotir bildirdi. Bu haqda Goal.com xabar beradi.
Grinvud Fransiya chempionatida sermahsul o'yin ko'rsatayotgan bo'lsa-da, uning maydon tashqarisidagi harakatlari jamoa ichidagi muhitga salbiy ta'sir ko'rsatmoqda. «Manchester Yunayted»ning sobiq a'zosi mashg'ulotlar vaqtida o'zini erkin tutishi va belgilangan tartibga rioya qilmasligi bilan mutaxassislar e'tiborini tortgan.
Hozirda klub rahbariyati va murabbiylar shtabi futbolchining jamoaviy muhitga ta'sirini o'rganmoqda. Garchi uning gollari jamoaga g'alaba keltirayotgan bo'lsa-da, intizom masalasi kun tartibiga chiqdi.
“Zamin”ni Telegramʻda oʻqing!
