UYEFA Chempionlar ligasi yarim finalining javob uchrashuvida “Arsenal” o‘z maydonida “Atletiko Madrid”ni qabul qildi. “Emireyts” stadionida bo‘lib o‘tgan bahs London klubining minimal g‘alabasi bilan yakunlandi. Uchrashuv taqdirini Bukayo Saka 44-daqiqada kiritgan gol hal qildi. Shu tariqa, ikki o‘yin natijasiga ko‘ra “Arsenal” umumiy hisobda 2:1 ustun keldi.
O‘yin davomida “Arsenal” to‘p bilan ko‘proq muomala qildi va raqib darvozasi tomon 13 ta zarba yo‘lladi. Shulardan 2 tasi aniq nishonga bordi. “Atletiko Madrid” esa 5 ta zarba berdi, ularning 2 tasi darvozaga aniq yo‘naltirildi. To‘pga egalik qilishda ham mezbonlar 55 foiz ko‘rsatkich bilan ustun bo‘ldi, mehmonlarda bu raqam 45 foizni tashkil etdi.
Paslar borasida ham “Arsenal” faolroq harakat qildi: jamoa 443 ta uzatma amalga oshirdi va 89 foiz aniqlik qayd etdi. “Atletiko Madrid” 388 ta pas berdi, ularning aniqligi 84 foiz bo‘ldi. Follar sonida esa ispaniyaliklar ko‘proq qoida buzdi — 13 ta fol. “Arsenal”da bu ko‘rsatkich 10 tani tashkil etdi. Uchrashuvda London klubi 1 ta, Madrid jamoasi 2 ta sariq kartochka oldi. Qizil kartochkalar qayd etilmadi.
“Zamin”ni Telegramʻda oʻqing!
