Rossiyada futbol bo‘yicha jahon chempionati qizg‘in pallaga kirgan bir paytda dunyo shifokorlari o‘rtasidagi jahon birinchiligi musobaqalari ham boshlanmoqda.
30 iyundan 8 iyulga qadar Chexiya poytaxti Praga shahrida bo‘lib o‘tadigan ushbu nufuzli bellashuvda futboli taraqqiy etgan Braziliya, Argentina, Germaniya, Angliya, Meksika kabi 22 mamlakatning shifokorlaridan iborat terma jamoalar ishtirok etadi.
Mamlakatimiz shifoxonalarida mehnat qilayotgan tibbiyot xodimlaridan tarkib topgan terma jamoamiz ham o‘z tarixida to‘rtinchi bor mazkur musobaqada qatnashmoqda, deya xabar bermoqda O‘zbekiston Respublikasi Sog‘liqni saqlash vazirligi axborot xizmati. Ma’lumot uchun, o‘tgan yili Avstriyada o‘tkazilgan jahon chempionatida futbolchi-shifokorlarimiz o‘zlarining munosib ishtiroklari bilan yarim finalgacha yetib borib, kuchli to‘rtlikdan joy olgani katta shov-shuvga sabab bo‘lgan edi.
Shifokor futbolchilarimiz bu yilgi chempionatda ham yuqori pog‘onalarni egallashlari, turnirda munosib ishtirok etishlari uchun Sog‘liqni saqlash vazirligi va O‘zbekiston Kasaba uyushmalari Federatsiyasi tomonidan har tomonlama yordam berildi. Dastlab yil boshida mamlakatimizning barcha viloyatlaridan shifokor futbol jamoalari ishtirokida saralash turniri o‘tkazildi. Bu turnirda jami 180 nafardan ortiq shifokor futbolchilar ishtirok etgan bo‘lsa, turnir yakuniga ko‘ra, eng kuchli 26 nafar mahoratli o‘yinchi terma jamoa uchun tanlab olindi.
Jamoani musobaqalarga tayyorlash maqsadida “Bunyodkor” professional futbol klubi murabbiyi Sergey Chagudayev va Denis Karsnichenko bilan shartnoma ham imzolandi. Murabbiylar tomonidan mart oyidan boshlab, haftada 4 kun davomida mashg‘ulotlar o‘tkazildi. Shuningdek, 3 marotaba tashkil etilgan o‘quv yig‘inida o‘yinchilar jismoniy va texnik jihatdan puxta tayyorgarlikdan o‘tishdi.
Kuni kecha Sog‘liqni saqlash vaziri Alisher Shodmonov va O‘zbekiston Kasaba uyushmalari Federatsiyasi raisi o‘rinbosari Baxtiyor Mahmadaliyev ishtirokida futbolchilarni kuzatish marosimi bo‘lib o‘tdi.
Tadbirda havaskor tibbiyot xodimlaridan iborat terma jamoa o‘yinchilari har yili an’anaviy tarzda o‘tkazilib kelinayotgan mazkur chempionatga tayyorgarlik ko‘rish uchun yuksak darajada sharoit yaratib berilganligi uchun mutassadi tashkilotchilarga minnatdorchilik izhor etib, bildirilgan ishonchni oqlash uchun bor imkoniyatlarini ishga solishlariga va’da berishdi.
“Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
O‘zbekistonda zilzilaga tayyorgarlik kuchaytiriladi
Biznes imkoniyatingizni kengaytiring
AQSH razvedkasi: Ukraina 2024 yil oxirigacha urushda yutqazishi mumkin
Qondagi shakar miqdorini tartibga soluvchi foydali meva nomi aytildi
Xotirani yaxshilashning juda oddiy usuli topildi
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi
