O‘zbekiston professional futbol ligasiga Diyor Imomxo‘jayev rahbar bo‘lishi kutilmoqda. Bu haqdagi ma’lumotni Tribuna.uz manbasi tasdiqladi.
PFLning sobiq direktori Davron Shoqurbonov 21 may kuni o‘z arizasiga ko‘ra ishdan bo‘shatilgandi. Tashkilotning yangi rahbari bo‘lish uchun PFL direktori o‘rinbosari vazifasida ishlab kelayotgan Diyor Imomxo‘jayev tavsiya qilingan va uning nomzodi qo‘llab-quvvatlangan. U tez orada rasman tashkilotning vaqtincha rahbari sifatida e’lon qilinishi kutilmoqda.
PFL rasmiy saytida Shoqurbonovning vazifasidan ozod etilgani va uning o‘rnini kim egallashi haqida hech qanday ma’lumot yo‘q. Tribuna.uz muxbirining aniqlashicha, Davron Shoqurbonovning iste’fosi qandaydir mojaro bilan bog‘liq emas.
Davron Shoqurbonov 2019 yil 17 iyunda PFL direktori etib tayinlangandi. Sobiq qanot hakami bo‘lgan Shoqurbonov PFL direktorligiga kelishdan avval «Bunyodkor» klubida rahbarlik lavozimlarida ishlagan. Uning keyingi faoliyatiga aniqlik kiritilmagan.
Ma’lumot uchun, Diyor Imomxo‘jayev 2017 yildan buyon PFLda faoliyat yuritib keladi. U dastavval tashkilot direktori maslahatchisi, keyinchalik direktor o‘rinbosari bo‘lib ishlagan. Mutaxassisligi bo‘yicha jurnalist hisoblangan Diyor Imomxo‘jayev ayni damda «Futbol TV» telekanalida futbol o‘yinlarini sharhlab boradi.
Muxlislar orasida «Sport» telekanalida «Futbol sharhi» ko‘rsatuvidagi tanqidiy chiqishlari, «Sokker klub» mualliflik dasturida kelishilgan o‘yinlar muammosini ko‘tarib chiqqani bilan tanilgan. Matbuotda ham faoliyat yuritgan Diyor Imomxo‘jayev bir necha yil «Erudit Sport» gazetasidagi kolonkasida o‘zbek futbolidagi haqidagi maqolalari bilan chiqish qilgan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Samarqandda haydovchidan pora so‘ragan YPX xodimlari ishdan bo‘shatildi
«Samarqand — Toshkent — Samarqand” yo‘nalishida qo‘shimcha poyezdlar harakatlanadi
Ekspert: G‘arb Rossiya g‘alabasidan keyin quvg‘indagi Ukraina hukumatini yaratishi mumkin
YECHL. “Bavariya” va “Real” o‘rtasidagi dastlabki uchrashuvda jangovar durang qayd etildi
Buyuk Britaniya va Ukraina 100 yillik hamkorlik bo‘yicha muzokaralarni boshladi
O‘zbek futbolchilari qilgan ishni ko‘pchilik uddalay olmagan!
Sun’iy intellekt qadimgi yunon faylasufi Platonning qabrini topdi