Hasanboy Do‘smatov: «Aslida raqibim rossiyalik bokschi edi, bir kun qolganda barchasi o‘zgarib ketdi»

Xabaringiz bor, kuni kecha Rio Olimpiadasi chempioni Hasanboy Do‘smatov bugun professional ringda o‘zining ikkinchi jangini o‘tkazdi.
Ushbu jangda Hasanboyga Odiljon Sotqinov raqiblik qildi. 6 raundga mo‘ljallangan jang birinchi raunddayoq yakuniga yetdi.

Bokschimiz birinchi raundda raqibini uch marta nokdaun holatiga tushirdi. To‘rtinchi nokdaundan keyin esa referi jangni to‘xtatishga qaror qildi. Shu tariqa, Hasanboy birinchi raunddayoq nokaut evaziga g‘alabaga erishdi.

Bugun tongda yurtimizga qaytib kelgan bokschimiz jang haqida qisqacha intervyu berdi:
«Yaxshi jang o‘tkazdim. 20dan oshiq bokschilar o‘zining reytingini oshirish uchun ringga ko‘tarildi. To‘g‘risi raqibim juda tezda o‘zgarib ketdi. Uni oldin ko‘rmagandim. Aslida menga qarshi rossiyalik bokschi ringga ko‘tarilishi kerak edi, lekin u bir kun qolganda rad qildi. Raqibim mendan qo‘rqdimi? Bo‘lishi mumkin», - deydi Hasanboy Do‘smatov. “Zamin”ni Telegramʻda oʻqing!