Eldor Shomurodov “Yuventus”ga o‘tmasin!

1 daqiqa o'qish3.7K
Eldor Shomurodov “Yuventus”ga o‘tmasin!
“Yuventus”ning Eldor Shomurodovga qiziqayotgani va bu borada “Jenoa” bilan muloqotga kirishgani haqidagi xabarlar qishki transferlar mavsumining eng shov-shuvli voqealaridan bo‘ldi. Ommaviy axborot vositalari va ijtimoiy tarmoqlarda hamon bu boradagi fikr-mulohazalar tingani yo‘q.

Garchi “Yuventus” sport direktori Fabio Paratichi Turin klubi ayni paytda yangi hujumchiga ehtiyoj sezmayotgani va bu masalaga qulay vaziyat bo‘lganida qaytishini bildirib, mavzuga mujmal munosabat bildirgan bo‘lsa-da, “Jenoa” prezidenti Enriko Pretsiozi aniq qilib, Shomurodovni qo‘yib yubormasligini uqtirdi.

Shomurodovning “Yuventus”ga transferi haqidagi gap-so‘zlar genuyalik muxlislarning ham e’tiboridan chetda qolgani yo‘q. Ular buni turlicha baholamoqda.

An’anaga ko‘ra, e’tiboringizga “Jenoa” muxlislarining ushbu mavzuga oid munosabatini havola etamiz.

Alfredo Carrara:
Men oldindan “El Uzbeko” hech qayerga ketmasligini bilardim.

Il Grifonauta:
“Jenoa”ning Shomurodovni qo‘yib yubormasligi yaxshi bo‘ldi. Hujumchilarimiz bu mavsum o‘zimizga ham kerak. V Seriyaga tushib ketmaslik uchun ularni olib qolish to‘g‘ri yo‘l bo‘ldi.

Anna Lazzari:
Alvaro Morataning o‘yinidan kelib chiqib, turinliklarning yangi hujumchi qidirayotgani mantiqsizlikdir.

Dassori Fabio: (Anna Lazzari fikriga javob)
Menimcha, “Yuventus” Shomurodov va Skamakkani zaxira hujumchisi sifatida olmoqchi edi.

Christian Sini:
“Yuventus” rahbarlari katta xatoga yo‘l qo‘yishi mumkin edi.

Cesare Rizzo:
Shomurodov va Skamakkaning “Yuventus”ga o‘tishi futbolchilar uchun ham, klub uchun ham hech qanday foyda bermaydi. “Jenoa” murakkab vaziyatda turgan bir paytda yaxshi hujumchilarni yo‘qotgani qoladi xolos. Eldor ham, Janluka ham Turin superklubida zaxirada qolib ketadi.

Elisa Dillon:
Men hujumchlarimiz katta klublarga o‘tib, jamoamizga moddiy foyda keltirsa, xursand bo‘lardim. Menimcha, Shomurodovga juda katta pul taklif qilishmasa kerak.

Franca Casareto:
Shu paytgacha ikkita gol urgan hujumchi “Yuventus” e’tiboriga tushgani qiziq tuyulyapti.

Ayni paytda Eldor Shomurodov “Jenoa”ning navbatdagi uchrashuviga tayyorlanmoqda. A Seriyaning 20-turida genuyaliklar musobaqa autsayderi “Krotone” jamoasi mehmoni bo‘ladi. Ushbu bahs 31 yanvar kuni Toshkent vaqti bilan 19:00da boshlanadi.
Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?