O‘zbekistonlik taekvondochi ilk marta Olimpiadada oltin medalga ega chiqdi. 19 yoshli Ulug‘bek Rashidov finalda buyuk britaniyalik raqibini mag‘lub etdi.
-68 kg vazn toifasida Olimpiadaga kelgan o‘zbekistonlik taekvondochi Ulug‘bek Rashidov finalda oltin uchun kechgan bahsda Buyuk Britaniya vakili Bredli Sindenga qarshi dayanga chiqdi.
Ulug‘bek Rashidov dastlabki raundni o‘z foydasiga hal qildi (13:8). Ikkinchi raundda teng kurash kuzatildi (5:6). Uchinchi raund esa o‘ta hayajonli kechdi va ustunlik britaniyalik sportchi tomoniga o‘tib ketdi, ammo so‘nggi soniyalardagi harakatlari evaziga ustunlikni o‘ziga qaytargan O‘zbekiston vakili 34:29 hisobida g‘alabaga erishib, oltin medalni o‘ziniki qildi.
Bu O‘zbekiston delegatsiyasining Tokio Olimpiadasidagi ilk medali bo‘ldi.
Ma’lumot uchun, Ulug‘bek Rashidov dastlabki bosqichda malilik Seydu Mofanani 38:17 hisobida mag‘lub etib, nimchorak finalga yo‘l oldi. Chorak final yo‘llanmasi uchun jangda esa 3 karra jahon chempioni, Olimpiya o‘yinlarining 2 karra sovrindori, shu vazn toifasining birinchi raqamli vakili bo‘lib turgan janubiy koreyalik Li De Hunni qo‘shimcha vaqtlardagi oltin ochkolar orqali mag‘lub etib (21:19), uni turnirdan chiqarib yubordi. Chorak finalda esa eronlik Mirhoshim Hussayni ustidan g‘alaba qozondi (34:22). Final yo‘llanmasi uchun jangda Bosniya va Gersegovina vakili Nejad Hushich osonlik bilan taslim etildi (28:5). “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
O‘zbekistonda zilzilaga tayyorgarlik kuchaytiriladi
Biznes imkoniyatingizni kengaytiring
Qondagi shakar miqdorini tartibga soluvchi foydali meva nomi aytildi
Zelenskiy: Rossiya Ukrainaning issiqlik energetikasini deyarli to‘liq yakson qildi
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi
AQSH razvedkasi: Ukraina 2024 yil oxirigacha urushda yutqazishi mumkin