Angliya premer-ligasining mashhur referisi Mark Klattenburg hakamlik faoliyati davomida “Manchester Yunayted”ga ustozlik qilgan Joze Mourino bilan bo‘lgan mojaro haqida gapirib berdi.
Portugaliyalik mutaxassis “Manchester Yunayted”ni 2016-2018 yillar davomida boshqargan, lekin manchesterliklarni chempion qila olmagan. Mourino davrida “Manchester Yunayted” Futbol ligasi kubogi, Angliya Superkubogi va Yevropa Ligasida zafar quchgan xolos.
Barchamiz bilamizki, Joze Mourino xarakteri og‘irligi va tili o‘tkirligi bois ko‘p marta ziddiyatli vaziyatlarga tushib qolgan. U futbolchilar, hakamlar, murabbiylar va hatto klub rahbarlarini ham ayab o‘tirmaydi.
Mark Klattenburg tilga olgan voqea 2017 yilning yanvarida sodir bo‘lgan. Shu mojarodan bir oy o‘tib, mashhur hakam o‘z faoliyatini to‘xtatgan edi. Bunda, albatta, Joze Mourinoning ham kattagina “hissa”si bo‘lgan. Klattenburgning hakamlikni davom ettirishiga asablari dosh bermay qo‘ygandi.
Klattenburg shunday eslaydi: Mendan Angliya Premer-ligasini tashlab ketishimga sabab bo‘lgan uchrashuv haqida ko‘p so‘rashadi. Hammasiga qo‘l siltab, meni faoliyatimni to‘xtatish haqidagi qarorimga yaqinlashtirgan o‘sha vaziyatni ko‘p esga olaman.
Bu “Manchester Yunayted”ning 2017 yil 21 yanvarda “Stouk Siti”ga qarshi o‘tkazgan uchrashuvi edi. O‘sha o‘yinda Ueyn Runi bellashuvga qo‘shib berilgan daqiqalarda jarima zarbasidan gol urib, jamoasini mag‘lubiyatdan qutqarib qolish bilan birga ser Bobbi Charltonning “Manchester Yunayted”dagi to‘purarlik rekordini yangilagandi.
Uchrashuv yakunlanganidan keyin mening kiyim almashtirish xonamning eshigi taqilladi va “Yunayted” bosh murabbiyi Joze Mourino kirib keldi. Men o‘sha payt butsalarimni yechayotgan edim.
- Bu gal xursand bo‘lgandirsan. Har holda durangda meni ayblay olmaysan, shunday emasmi?, - dedim.
Mourino “Ayblayman!”, - dedi va “Stouk Siti” himoyachisi Rayan Shoukross o‘z jarima maydonchasi ichida qo‘li bilan o‘ynagani haqida gapira boshladi.
- Nimalar deyapsan? Men to‘g‘ri yo‘l tutdim va buni aniq bilaman, - dedim.
U esa “Yo‘q, men video tasvirlarni ko‘rdim, sen xato qilding”, - dedi.
Joze meni ayblashdan to‘xtamadi, gapirishdan to‘xtamadi, ovozini ko‘tardi. Jahlim chiqib, butsani unga otib yubordim. Shundoq yonginasiga – devorga tegdi.
- Mening xonamdan yo‘qol, - dedim.
Mourino o‘chib qoldi. Men o‘zimni yo‘qotib qo‘ydim. Menga endi baribir edi. U nima deyishni bilmasdi. Hamma narsadan, qitmir o‘yinlardan to‘yib ketgandim.
Mashinamni minib, uyga yetib borguncha Shoukross bilan bo‘lgan vaziyatni o‘yladim. O‘yin tahlilini ko‘rdim va men to‘g‘ri qaror qabul qilganimga amin bo‘ldim. To‘p futbolchining ko‘kragiga tekkan edi. Unda nega Mourino o‘zini anqovlikka soldi?
Uyquga yotish oldidan oxirgi nuqtaga yetib kelganimni his qildim. Endi bu ahmoqlar bilan teng bo‘lmayman, degan qarorga keldim...
Ma’lumot o‘rnida aytish kerakki, Angliyaning eng mashhur hakamlaridan bo‘lgan Mark Klattenburg 2004-2017 yillar davomida premer ligada jami 292 ta uchrashuvda hakamlik qilgan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH Isroilga puli to‘langan buldozerlarni bermadi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Rossiya Kursk viloyatidagi hududlarini qaytarib olishga 50 ming harbiy to‘pladi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
