Luisma Ernandes: "Ikki hafta davomida birgina so‘z ustida ishladik"

Superliganing 25-turidan o‘rin olgan "Metallurg" - "Turon" (1:0) uchrashuvidan so‘ng mezbonlar bosh murabbiyi Luisma Ernandes matbuot anjumanida ishtirok etdi.
- O‘yin haqida
- Juda qiyin o‘yin bo‘ldi. Mavsum oxirida emotsiyalar birinchi o‘ringa chiqadi. Bundan tashqari, biz ikki hafta davomida faqat birgina so‘z ustida ishladik. Bu g‘alaba edi va biz 3 ochko uchun intildik.

- Jamoaning keyingi o‘yinda "Qizilqum"ni mag‘lub etgan holda, Superligada qolish imkoniyatlarini qanday baholaysiz?
- Biz uchun oxirgi final o‘yini qoldi. Bu "Qizilqum" bilan bahs bo‘ladi. FIFA kunlaridan foydalangan holda, "Qizilqum”ni o‘rganib chiqdik. Bu jamoaga qarshi rejamizni ishlab chiqdik. Seshanba kundan boshlab tayyorgarlikka kirishamiz.

- Akbar Ismatullayevning maydonga tushmaganiga sabab nima edi?
- Unda jarohat bor.

- Jasur Abduraimov murabbiylik vaqtida Kamoliddin Tojiyev va Aleksandr Lobanovga deyarli imkoniyat bermayotgandi. Siz esa ularga ishonch bildirmoqdasiz. Buni qanday izoxlaysiz?
- Xabaringlar bor, “Metallurg"ni qiyin vaziyatda qabul qilib oldim. Jamoani tahlil qilib, ularni asosiy tarkibda tushirdim. G‘alabaga erishdik va bu to‘g‘ri ekanligi oydinlashdi.

- Jamoani Superligada olib qolsangiz, sizga qanday rag‘bat va’da qilingan?
- Bu haqda o‘ylaganimiz yo‘q. Hozir asosiy e’tiborimizni Superligada qolishga qaratganmiz. Vazifani uddalasak, keyin bu haqda o‘ylashga vaqt bo‘ladi. “Zamin”ni Telegramʻda oʻqing!