Ravshan Ermatov: "Sentyabr oyida top-terma jamoa bilan oʻynash rejamizda bor"

Oʻzbekiston milliy terma jamoasining oʻrtoqlik uchrashuvidagi raqiblari borasida savollar yigʻilib qolgan edi. Deylik, futzal bilan taqqoslaydigan boʻlsak, juda katta farqni koʻrishimiz mumkin.

Misol uchun, futzal terma jamoamiz oʻtgan davr mobaynida Toshkentda Argentina, Venesuela kabi nomdor termalar bilan oʻyinlar oʻtkazdi. Ushbu ishni nima uchun futbolda qilish qiyin?

OʻFA birinchi vitse-prezidenti Ravshan Ermatov OAV bilan ochiq muloqotda shunday dedi:
"Agar terma jamoamiz Jahon chempionatiga chiqib, yaxshi natijalarga erishsa, oʻsha jamoalarning oʻzi kelishga ishqiboz boʻladi. Ularni olib kelish osonroq kechadi. Futzal oʻzining natijalari bilan Oʻzbekistonda yaxshi saviyadagi jamoa borligini koʻrsatdi. Argentina yoki shunga oʻxshash raqiblar kelishga tayyor. Faqat rozi boʻlinglar, qabul qilinglar, deyapti. Sentyabr oyida top-terma jamoaga qarshi oʻyin tashkillashtirish rejamizda bor", — deydi Ravshan Ermatov. “Zamin” yangiliklarini “Telegram”da kuzatib boring