"Siz g‘olibsiz!" degan qo‘ng‘iroqlar ortida 300 mln so‘mlik firibgarlik turgani aniqlandi

1 daqiqa o'qish83
"Siz g‘olibsiz!" degan qo‘ng‘iroqlar ortida 300 mln so‘mlik firibgarlik turgani aniqlandi
QisqachaAI yordamida tayyorlanganKo‘rsatish
  • Toshkentda 110 dan ortiq fuqaroni aldab, 300 million so‘mdan ziyod mablag‘ni o‘zlashtirgan noqonuniy koll-markaz fosh etildi.
  • Firibgarlar savdo ilovalaridagi aksiya g‘olibi bo‘lganini aytib, jabrlanuvchilardan kredit yoki mikroqarz mablag‘larini o‘z hisob raqamlariga o‘tkazishni talab qilgan.
  • Pul o‘tkazilgandan so‘ng, ular arzon yoki sifatsiz mahsulotlar yuborib, aloqani uzgan.

Toshkent shahrida fuqarolarni soxta aksiyalar orqali aldab, ularning kredit va mikroqarz mablag‘larini o‘zlashtirgan noqonuniy koll-markaz faoliyati fosh etildi. Jinoiy guruh 110 nafardan ortiq fuqaroga 300 million so‘mdan ziyod zarar yetkazgan. Bu haqda Ichki ishlar vazirligi xabar berdi.

Ma’lum qilinishicha, Farg‘ona viloyatida yashovchi, 2005 yilda tug‘ilgan shaxs va uning sheriklari fuqarolarga qo‘ng‘iroq qilib, ularni savdo ilovasidagi aksiya g‘olibi bo‘lganiga ishontirgan.

Sovg‘ani olish uchun esa fuqarolardan o‘z nomlariga ajratilgan kredit yoki mikroqarz mablag‘larini tadbirkorlar hisob raqamiga o‘tkazish talab qilingan. Evaziga maishiy texnika yetkazib berilishi va’da qilingan.

Guruh a’zolari savdo platformasida o‘zlarini mahsulot yetkazib beruvchi sifatida ro‘yxatdan o‘tkazgan. Pulni qaytarish yoki buyurtmani yetkazib berishni talab qilgan ayrim xaridorlarga esa arzon, sifatsiz yoki buyurtmaga mos kelmaydigan mahsulotlar yuborilgan.

Shu tariqa, jabrlanuvchilarning e’tiborini chalg‘itib, kredit va mikroqarz limitlarini o‘zlashtirishgan. Pul o‘tkazilgandan keyin esa ko‘p hollarda ular bilan aloqa uzilgan.

Shayxontohur tumanidagi noqonuniy koll-markazda 5 nafar operator faoliyat yuritgani aniqlangan. Ular soxta onlayn do‘konlar nomidan yuzlab fuqarolarga qo‘ng‘iroq qilgan. Tezkor tadbir davomida 10 ta kompyuter jamlanmasi, 8 ta mobil telefon, fuqarolarning shaxsiy ma’lumotlari va nasiya savdo ilovalaridagi limitlar aks etgan 150 varaq hujjat hamda 2 ta daftar ashyoviy dalil sifatida rasmiylashtirib olingan.

Avvalroq ham Toshkentda chet el fuqarosi boshchiligidagi yuzlab yigit-qizlardan tashkil topgan kiberjinoyatchilar guruhi qo‘lga olingan edi.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?