AQShda sun’iy intellektdan sog‘liqka oid maslahat olish holatlari ortib bormoqda, deb FoxNews.com xabar berdi.
Tadqiqotlarga ko‘ra, amerikaliklarning katta qismi AI asosidagi chatbotlar va platformalarga tibbiy savollar bilan murojaat qilmoqda. Ular simptomlarni tushunish, dori tavsiyalari va test natijalarini tahlil qilishda AI’dan yordam olishmoqda.
Bunday texnologiyalar asosan vaqt tejash, tezkorlik va arzonlik sababli ommalashmoqda. Ammo mutaxassislar AI inson shifokorni to‘liq almashtira olmasligini ta’kidlamoqda.
Tibbiy xodimlar bunday platformalar faqat dastlabki maslahat sifatida qaralishi kerakligini, aniq tashxis uchun esa shifokorga murojaat zarurligini eslatmoqda.
Sog‘liqka oid AI xizmatlari AQShda Microsoft, Google va OpenAI kabi yirik kompaniyalar tomonidan rivojlantirilmoqda.
Tendensiya shundan darak beradiki, kelajakda tibbiy maslahatning raqamli ko‘rinishi yanada keng tarqalishi mumkin.
“Zamin”ni Telegramʻda oʻqing!
