Microsoft ayrim Xitoy kompaniyalarining kiberxavfsizlik bo‘yicha ogohlantirish tizimiga kirishini qisqartirdi. Bu qaror kompaniyaning serverlariga qilingan katta xakerlik hujumlaridan keyin qabul qilindi. Ushbu hujumlar ortida Xitoy hukumati turgan bo‘lishi mumkinligi haqida gumonlar paydo bo‘ldi.
Microsoft odatda butun dunyodagi hamkorlariga xavf haqida oldindan xabar berib turadi. Bu orqali mutaxassislar hujumlardan oldinroq himoya choralarini ko‘ra oladi. Ammo mutaxassislar fikricha, Xitoy kompaniyalari orqali olingan ma’lumot xakerlar qo‘liga tushib, noto‘g‘ri ishlatilgan bo‘lishi mumkin.
Microsoft iyun va iyul oylarida xavfsizlikdagi muammolar haqida hamkorlariga xabar bergan. Oradan ko‘p o‘tmay hujumlar boshlanganini kuzatgan mutaxassislar bu vaqtlar o‘rtasidagi moslikka e’tibor qaratdi.
Kompaniya endilikda ayrim Xitoy firmalariga xavfni tekshirish uchun yuboriladigan maxsus kodlarni bermasligini ma’lum qildi. Bu kodlar mutaxassislarga tizimni tezroq mustahkamlashga yordam beradi. Ammo shu bilan birga, ular xakerlar qo‘liga tushsa, hujumlar yanada kuchayishi mumkin.
“Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing
Mavzuga oid yangiliklar
