Galaxy S26 Ultra’ning yorqin rangdagi versiyasi namoyon bo‘ldi, deb Kursiv Uzbekistan xabar berdi.
Reddit’da Galaxy S26 Ultra smartfonining dastlabki prototiplari aks etgan suratlar paydo bo‘ldi. Direct-Till-2680 nomli foydalanuvchi tomonidan joylashtirilgan bu rasmlarda yangi flagmanning dummy (ishlamaydigan maket) turi ko‘rsatilgan bo‘lib, ulardan biri — apelsinrang korpusga ega.
Foydalanuvchilar bu rangni “yangi havo nafasi” deb baholashdi, ayrimlar esa Apple’dagi iPhone 17 Pro modelidagi o‘xshash rangni eslatib, Samsung‘ni hazilomuz tanqid qilishdi.
Suratlardagi kuzatuvlarga ko‘ra, korpus shakli to‘rtburchak bo‘lib, burchaklari yumaloq. Kamera modulida to‘rtta obyektiv mavjud va S24 Ultra bilan solishtirganda katta farq yo‘q. Eng e’tiborga molik jihat — yorqin apelsinrang korpus.
Samsung hozircha S26 Ultra dizayni va ranglari haqida rasmiy ma’lumot bergani yo‘q. Biroq bunday sizib chiqishlar ko‘pincha real modellar bilan mos bo‘ladi, chunki aksessuar ishlab chiqaruvchilar odatda o‘lchamlarni oldindan bilib olishadi.
Odatda Samsung o‘z flagmanlarini qora, kumush yoki ko‘k kabi jiddiy ranglarda taqdim etadi. Shu bois apelsinrang korpus — kompaniya dizayniga yangicha yondashuv bo‘lishi mumkin.
“Zamin”ni Telegramʻda oʻqing!
