NASA astronavti Rossiyaning "Soyuz" kemasida XKSga uchadi
NASA astronavti Denis Bernxem Rossiyaning "Soyuz MS-30" kemasida Xalqaro kosmik stansiyaga (XKS) uchadi. Ekipaj tarkibida Bernxem bilan birga "Roskosmos" kosmonavtlari Dmitriy Petelin va Konstantin Borisov ham bor. Ular Yer orbitasida ilmiy tajribalar o’tkazish va stansiyaga xizmat ko’rsatish uchun uzoq muddatli ekspeditsiya o’tkazish rejasini amalga oshiradi. "Soyuz MS-30" kemasining parvozi 2027 yil mart oyiga mo'ljallangan.
Yuriy Gagarin nomidagi kosmonavtlarni tayyorlash markazi "Soyuz MS-30" kemasida Xalqaro kosmik stansiyaga (XKS) uchadigan asosiy ekipaj tarkibini tasdiqladi. Bu haqda Ixbt.com xabar beradi.
Ekipaj tarkibidan NASA astronavti Deniz Bernxem hamda "Roskosmos" kosmonavtlari Dmitriy Petelin va Konstantin Borisov joy oldi. Dmitriy Petelin kema komandiri etib belgilandi, Bernxem va Borisov esa bortinjener vazifasini bajaradi.
Ushbu jamoa Yer orbitasida uzoq muddatli ekspeditsiya doirasida ilmiy tajribalar o'tkazishi va stansiyaga xizmat ko'rsatishi rejalashtirilgan. "Soyuz MS-30" kemasining parvozi 2027-yilning mart oyiga mo'ljallangan.
Shuningdek, Bernxem, Petelin va Borisov 2026 yil 14-iyulda uchirilishi kutilayotgan "Soyuz MS-29" kemasining o'rinbosar ekipaji tarkibiga ham kiritilgan. Hozirgi vaqtda XKS orbitasida "Roskosmos", NASA va Yevropa kosmik agentligi vakillari o'z faoliyatini davom ettirmoqda.
Izohlar 0
…