Xitoyning Xanchjou shahri sudi kompaniyalarga xodimlarni faqatgina ularning ishini sun'iy intellekt bajara olishi sababli ishdan bo'shatishni taqiqlovchi qaror chiqardi. Bu haqda mahalliy nashrlar xabar bermoqda. Bu haqda Ixbt.com xabar beradi.
Ish materiallariga ko'ra, Chjou ismli xodim onlayn kompaniyada sun'iy intellekt javoblari sifatini tekshiruvchi bo'lib ishlagan. Uning oylik maoshi 25 ming yuanni tashkil etgan.
Keyinchalik ish beruvchi texnologiyalar rivojlangani sababli uning lavozimi keraksiz bo'lib qolganini ma'lum qilgan.
Kompaniya xodimga 15 ming yuan maoshli boshqa ish taklif qilgan. Chjou bu taklifni rad etgach, u bilan tuzilgan mehnat shartnomasi bekor qilingan.
Sud ushbu ishdan bo'shatish holatini noqonuniy deb topdi.
Sud qarorida ta'kidlanishicha, biznesning sun'iy intellektga o'tishi mehnat shartnomasini bajarib bo'lmaydi degani emas. Shuningdek, taklif qilingan yangi ish o'rnida daromadning keskin kamayishi adolatli o'tkazma hisoblanmaydi.
Sud kompaniyalar yangi texnologiyalarni joriy etish huquqiga ega ekanligini, biroq xodimlarning qonuniy huquqlarini hisobga olishi shartligini bildirdi. Avvalroq Pekinda ham xuddi shunday holatda xodimning foydasiga qaror chiqarilgan edi.
“Zamin”ni Telegramʻda oʻqing!
