Asus ROG Equalizer kabeli Nvidia RTX 5090 dagi qizish muammosini hal qilmadi
Asus ROG Équlizer 12V-2x6 kabeli Nvidia RTX 5090 videokartasining qizish muammosini hal qila olmadi. Blogin Der8auer tomonidan o'tkazilgan sinovlar natijasida, kabeldagi ichki o'tkazgichlar ortiqcha qarshilik qo'shib, tokning notekis taqsimlanishiga sabab bo'lgan. U kabelning tuzilishini tanqid qilib, uning qiyin joylashishi va standart kontaktlar bilan mos kelmasligini ham ta'kidladi.
Blogger va entuziast Der8auer kuchli videokartalarni qizib ketishdan himoya qiluvchi ROG Equalizer 12V-2x6 kabelini sinovdan o'tkazdi. Natijada qurilma o'zining asosiy vazifasini bajara olmasligi aniqlandi. Bu haqda Ixbt.com xabar beradi.
WireView Pro II va RTX 5090 videokartasi yordamida o'tkazilgan o'lchovlar tokning kontaktlar bo'ylab notekis taqsimlanishini ko'rsatdi. Ba'zi holatlarda eng ko'p va eng kam yuklangan kontaktlar o'rtasidagi farq 4 amperga yetgan.
Der8auer fikricha, muammo kabelning tuzilishida yashiringan. Taqsimlashga yordam berishi kerak bo'lgan ichki o'tkazgich zanjirga ortiqcha qarshilik qo'shgan.
Blogger uni olib tashlaganidan so'ng tok taqsimoti yaxshilangan.
Shuningdek, mutaxassis kabelning qattiqlashgani va uni joylashtirish qiyinlashganini ta'kidladi. Oltin yugurtirilgan kontaktlar ham shubha uyg'otdi, chunki standart qalay kontaktlar GPU ulagichlari bilan yaxshiroq moslashadi.
[media=https://cdn.embedly.com/widgets/media.html?src=https%3A%2F%2Fwww.youtube.com%2Fembed%2FPJrazRm6I9o%3Ffeature%3Doembed&display_name=YouTube&url=https%3A%2F%2Fwww.youtube.com%2Fwatch%3Fv%3DPJrazRm6I9o&image=https%3A%2F%2Fi.ytimg.com%2Fvi%2FPJrazRm6I9o%2Fhqdefault.jpg&type=text%2Fhtml&schema=youtube]
Izohlar 0
…