Xitoylik texnobloger Soda Baka odam sig'ishi mumkin bo'lgan ulkan kompyuter loyihasini namoyish etdi. Ushbu noodatiy qurilma haqidagi video Bilibili platformasida e'lon qilindi. Bu haqda Ixbt.com xabar beradi.
Bir qarashda bu oddiy o'yin kompyuteriga o'xshaydi, ammo uning o'lchamlari shunchalik kattaki, ichida bemalol ishlash yoki o'ynash mumkin. Videoda blogerning o'zi ulkan qismlar yonida kichik figuradek ko'rinadi.
Qurilmadagi ko'plab detallar, jumladan ulkan ventilyatorlar va GeForce RTX 6090 videokartasi dekorativ hisoblanadi. Biroq uning ichida haqiqiy ishlaydigan komponentlar ham o'rnatilgan.
Korpus ichida to'laqonli ish joyi yaratilgan bo'lib, harorat 38 darajadan oshganda kuchli konditsioner ishga tushadi. Shuningdek, yopiq xonadagi issiqlikni pasaytirish uchun 12 kVt quvvatga ega sovutish tizimi ham mavjud.
“Zamin”ni Telegramʻda oʻqing!
