Yirik mobil aloqa operatorlari Moskva aholisini 5-9 may kunlari mobil internet va SMS yuborishda vaqtinchalik cheklovlar bo'lishi mumkinligi haqida ogohlantirdi. Xabarnomalar 4-maydan boshlab tarqatila boshlangan. Bu haqda Ixbt.com xabar beradi.
Ushbu choralar bayram tadbirlari davomida xavfsizlikni ta'minlash maqsadida ko'rilmoqda. Operatorlar cheklovlar vaqtinchalik ekanligini ta'kidlab, fuqarolarga Wi-Fi va VoLTE kabi muqobil aloqa usullaridan foydalanishni tavsiya qilmoqda.
Rossiya prezidenti Vladimir Putin avvalroq yirik shaharlardagi internet cheklovlari xavfsizlik tahdidlarining oldini olish bilan bog'liqligini ta'kidlagan edi. Uning so'zlariga ko'ra, aholini oldindan xabardor qilish maxsus xizmatlar ishiga xalaqit berishi mumkin.
Shu bilan birga, fuqarolarga bunday cheklovlarning natijalari haqida ma'lumot berish zarurligi ham qayd etilgan. Hozircha aloqa xizmatlaridagi uzilishlar faqat belgilangan bayram kunlarida kuzatilishi kutilmoqda.
“Zamin”ni Telegramʻda oʻqing!
