Rossiya Sanoat va savdo vazirligi (Minpromtorg) parallel import ro'yxatiga kiritilgan o'zgarishlarga izoh berdi. Vazirlik ro'yxatning qisqarishi mamlakat ichki bozorida kompyuter va butlovchi qismlar taqchilligiga olib kelmasligini ma'lum qildi. Bu haqda Ixbt.com xabar beradi.
Yangi hujjat 2025 yil 26 noyabrda tasdiqlangan bo'lib, olti oydan so'ng, ya'ni 2026 yil 27 maydan kuchga kiradi. Unga ko'ra, "Acer", "Asus", "Fujitsu", "HP", "Hitachi", "IBM", "Intel", "Kingston", "Samsung" va "Toshiba" kabi brendlarning kompyuter, noutbuk va serverlari parallel import mexanizmidan chiqariladi.
Vazirlik vakillarining fikricha, ushbu qaror chakana savdoda texnikalar assortimentini kamaytirmaydi. Aksincha, bu qadam mahalliy radioelektronika mahsulotlariga bo'lgan talabni oshirishi kutilmoqda.
Shuningdek, bu o'zgarish Rossiya elektronika sanoatini rivojlantirish va mahalliy ishlab chiqaruvchilarning bozordagi o'rnini mustahkamlashga xizmat qilishi ta'kidlandi.
“Zamin”ni Telegramʻda oʻqing!
