Sber jamoasi o‘zining aqlli uy ekotizimi uchun navbatdagi bahorgi yangilanishni e’lon qildi. Mazkur loyiha Sber kompaniyasining hamkori — SberDevices tomonidan ishlab chiqilgan bo‘lib, foydalanuvchilarga yanada qulayliklar yaratishga qaratilgan. Bu haqda Ixbt.com xabar beradi.
Endilikda aqlli uy stsenariylarini yaratish uchun Sber aqlli kolonkasi bilan oddiy muloqot qilish kifoya. GigaChat yordamida foydalanuvchi o‘z xohishini og‘zaki aytishi mumkin, tizim esa barcha tafsilotlarni aniqlashtirib, tayyor stsenariyni saqlab qo‘yadi. GigaChat murakkab buyruqlarni ham tushunib, ularni bosqichma-bosqich bajarishga yordam beradi.
Yangi funksiyalar qatoriga «Uyda» va «Uyda emasman» rejimlari qo‘shildi. Bu rejimlar resurslarni tejash imkonini beradi: masalan, uyda hech kim bo‘lmaganda, chiroqlar yoki namlagichlar avtomatik tarzda o‘chiriladi. Shuningdek, yoritish tizimini asosiy va qo‘shimcha manbalarga ajratish imkoniyati paydo bo‘ldi.
Ilova interfeysi ham yangilanib, qurilmalar uchun maxsus belgilar qo‘shildi. Endi ovozli buyruqlar yanada aniqroq ishlaydi: masalan, «Salyut, ventilyatorni yoq» deganingizda, tizim xatoliksiz aynan ventilyatorni ishga tushiradi.
“Zamin”ni Telegramʻda oʻqing!
