Rossiyaning «Rostelekom» aloqa operatori Moskvadagi abonentlarini yaqin kunlarda mobil internet tezligida cheklovlar bo‘lishi mumkinligi haqida ogohlantirdi. Kompaniya xabariga ko‘ra, ushbu holat 9-may kuniga qadar davom etishi ehtimoli bor. Bu haqda Ixbt.com xabar beradi.
Operator foydalanuvchilarga ushbu davrda internetga ulanish uchun Wi-Fi tarmoqlaridan foydalanishni tavsiya qilmoqda. Cheklovlar bayram tadbirlariga tayyorgarlik ko‘rish va ularni o‘tkazish jarayoni bilan bog‘liq ekani aytilmoqda.
Avvalroq MTS va «Bilayn» operatorlari ham shunga o‘xshash bayonotlar bilan chiqqan edi. Xususan, MTS cheklovlar nafaqat Moskva shahri, balki Moskva viloyatiga ham taalluqli bo‘lishi mumkinligini ma’lum qilgan.
Mutaxassislarning qayd etishicha, mobil internet o‘chirilgan taqdirda foydalanish mumkin bo‘lgan «oq ro‘yxat»dagi saytlar tizimi hozircha Moskvada to‘liq ishlamayapti. Shu sababli foydalanuvchilar tarmoqqa ulanishda qiyinchiliklarga duch kelishi mumkin.
“Zamin”ni Telegramʻda oʻqing!
