Hindiston internet foydalanuvchilari ovozli xabarlar va qidiruv tizimlaridan faol foydalanishga oʻrganib qolishgan. Biroq, mamlakatdagi til xilma-xilligi va murakkab lingvistik muhit sunʼiy intellektga asoslangan biznesni kengaytirishda qiyinchiliklar tugʻdirmoqda. Shunga qaramay, Wispr Flow startapi ushbu bozorni oʻzining eng tez rivojlanayotgan hududi deb biladi. Bu haqda Techcrunch.com xabar beradi.
Kompaniya hind va ingliz tillarining aralashmasi boʻlgan «Hinglish» tilini qoʻllab-quvvatlashni yoʻlani yoʻlga qoʻydi. Dastlab Mac va Windows uchun ishlab chiqilgan dasturiy taʼminot endilikda Android tizimida ham ishlaydi, 2025-yilda esa iOS foydalanuvchilari uchun ham taqdim etilishi rejalashtirilgan.
Wispr Flow asoschisi Tanay Kothari taʼkidlashicha, dastur dastlab muhandislar va menejerlar orasida ommalashgan boʻlsa, hozirda talabalar va keksa yoshdagi foydalanuvchilar ham undan faol foydalanmoqda. Hindiston hozirda startap uchun AQShdan keyingi ikkinchi yirik bozorga aylandi.
Kompaniya foydalanuvchilar sonini oshirish maqsadida Hindiston uchun maxsus arzonlashtirilgan tarif rejalarini joriy etdi. Kelgusida narxlarni yanada pasaytirish va boshqa mahalliy tillarni ham qoʻshish orqali shaharlardan tashqaridagi keng aholi qatlamini qamrab olish koʻzda tutilgan.
“Zamin”ni Telegramʻda oʻqing!
