Honor kompaniyasi o‘zining yangi Honor Choice AI Projector Pro qurilmasini e’lon qildi. Ushbu model sun’iy intellekt yordamida tasvir sifatini avtomatik sozlash va foydalanish qulayligiga urg‘u berilgan arzon yechim sifatida taqdim etilmoqda. Qurilma 15-may kuni Xitoy bozorida sotuvga chiqariladi va uning narxi taxminan 200 dollarni (1410 yuan) tashkil etadi. Bu haqda Ixbt.com xabar beradi.
Yangi proyektor Titanium Gray va Starlight White ranglarida ishlab chiqariladi. Qurilma Android 9.0 operatsion tizimida ishlaydi va foydalanuvchilarni bezovta qiladigan reklamalardan xoli ekanligi bilan ajralib turadi. U 1920 x 1080 piksel (Full HD) ruxsatida tasvir uzatish imkoniyatiga ega bo‘lib, 2500:1 kontrast nisbati va 16:9 formatini qo‘llab-quvvatlaydi.
Texnik jihatdan qurilma HiSilicon V352 protsessori, 2 GB tezkor xotira va 32 GB ichki xotira bilan jihozlangan. Shuningdek, proyektor 5 Vt quvvatga ega dinamik, Wi-Fi, Bluetooth va HDMI 2.0 portlari bilan ta’minlangan. Sun’iy intellekt funksiyalari tufayli qurilma avtomatik fokuslash, tasvirni to‘g‘rilash va ekran o‘lchamiga moslashish kabi vazifalarni mustaqil bajara oladi.
“Zamin”ni Telegramʻda oʻqing!
