Xiaomi kompaniyasi o‘zining yangi Xiaomi 17 turkumiga mansub Xiaomi 17 Max smartfonining ilk rasmiy tasvirlarini namoyish etdi. Garchi taqdimotning aniq sanasi hali ma’lum qilinmagan bo‘lsa-da, qurilma may oyida keng jamoatchilikka ko‘rsatilishi kutilmoqda. Bu haqda Ixbt.com xabar beradi.
Yangi smartfon Leica bilan hamkorlikda ishlab chiqilgan ilg‘or kamera tizimi bilan jihozlanadi. Qurilma qora, ko‘k va oq ranglarda taqdim etiladi, uning dizayni ustida esa Redmi jamoasi ishlagan. Xiaomi ushbu modelni yirik formatdagi flagmanlar sinfida yangi standart sifatida taqdim etmoqda.
Texnik xususiyatlarga ko‘ra, smartfon Qualcomm Snapdragon 8 Elite Gen 5 protsessori, 1,5K aniqligidagi 6,9 dyuymli ekran va 200 hamda 50 megapikselli sensorlarga ega kamera bilan jihozlanadi. Shuningdek, qurilmaga ultratovushli barmoq izi skaneri, suvdan to‘liq himoya tizimi va rekord darajadagi 8000 mA/soat sig‘imli akkumulyator o‘rnatilishi kutilmoqda.
“Zamin”ni Telegramʻda oʻqing!
