X ijtimoiy tarmog‘i foydalanuvchilar uchun kontentni saqlash va ularni keyinchalik topishni osonlashtiruvchi yangi History bo‘limini taqdim etdi. Hozircha faqat iOS qurilmalari uchun mavjud bo‘lgan ushbu funksiya foydalanuvchilarning layk bosgan postlari, xatcho‘plari, ko‘rilgan videolar va maqolalarini yagona joyda jamlaydi. Bu haqda Techcrunch.com xabar beradi.
Yangi yangilanish bilan mobil ilovaning chap menyusidagi Bookmarks tugmasi History deb o‘zgartirildi. Bo‘lim to‘rt qismdan iborat bo‘lib, ular xatcho‘plar, layklar, videolar va maqolalarni o‘z ichiga oladi. X mahsulot rahbari Nikita Bierning ta’kidlashicha, ushbu bo‘lim shaxsiy hisoblanadi va faqat foydalanuvchining o‘ziga ko‘rinadi.
Ushbu o‘zgarish X platformasini veb-brauzerga o‘xshatib, foydalanuvchilarga ilgari ko‘rilgan kontentga qaytish imkonini beradi. Ilgari layklar profil sahifasida, xatcho‘plar esa alohida menyuda joylashgan bo‘lsa, endilikda barcha ma’lumotlar tartibli tarzda bir joyda jamlandi.
X ushbu qadam orqali o‘zining uzun shakldagi maqolalar formatini ommalashtirishni maqsad qilgan. Platforma nashriyotchilar va ijodkorlarni tashqi saytlarga o‘tish o‘rniga, to‘g‘ridan-to‘g‘ri X ichida kontent yaratishga undamoqda. Bu Facebook va Google kabi platformalarda trafik kamayayotgan bir vaqtda muhim strategik qadam hisoblanadi.
“Zamin”ni Telegramʻda oʻqing!
