Microsoft kompaniyasi Windows 11 uchun chiqarilgan KB5089549 yangilanishi ba'zi kompyuterlarda o'rnatish jarayonida muammolarni keltirib chiqarayotganini tan oldi. Mutaxassislarning ta'kidlashicha, asosiy sabab tizimning EFI (ESP) bo'limida bo'sh joy yetishmasligidir. Bu haqda Ixbt.com xabar beradi.
Rasmiy hujjatlarga ko'ra, agar EFI bo'limida 10 MB dan kam joy qolgan bo'lsa, yangilanish jarayoni qayta yuklash vaqtida 0x800f0922 xatolik kodi bilan to'xtaydi. Tizim avtomatik ravishda o'zgarishlarni bekor qiladi va foydalanuvchiga jarayon muvaffaqiyatsiz yakunlangani haqida xabar beradi.
Microsoft ushbu muammoni hal qilish uchun buyruqlar satri orqali maxsus buyruqni kiritishni tavsiya qilmoqda. Foydalanuvchilar "reg add HKLMSYSTEMCurrentControlSetControlBfsvc /v EspPaddingPercent /t REG_DWORD /d 0 /f" buyrug'i yordamida EspPaddingPercent qiymatini 0 ga o'zgartirib, kompyuterni qayta ishga tushirishlari va yangilanishni qaytadan urinib ko'rishlari mumkin.
Korporativ tizim administratorlari esa muammoni ommaviy hal qilish uchun KIR (Known Issue Rollback) guruh siyosatidan foydalanishlari mumkin. Shuningdek, ayrim foydalanuvchilar yangilanishdan so'ng internet tezligi pasayganidan shikoyat qilmoqda, biroq Microsoft hozircha bu ma'lumotni rasman tasdiqlagani yo'q.
“Zamin”ni Telegramʻda oʻqing!
