15:44 / 04.07.2015
5 895

«Eng eksklyuziv sayt»ga kirish uchun 45 ming kishi navbatga turdi

«Eng eksklyuziv sayt»ga kirish uchun 45 ming kishi navbatga turdi
Amerikalik veb-dasturchi Jastin Fouli ma’lumotlarini ko‘rish uchun saytga «eksklyuziv yo‘l bilan» kirishni taklif qiladigan mostexclusivewebsite.com loyihasini ishga tushirdi. Sayt ichida bir vaqtning o‘zida faqat bir foydalanuvchi bo‘lishi mumkin — qolganlar navbatga turishi va kutishi kerak. Bu haqda «Meduza»ga asoslanib «Daryo» nashri xabar bermoqda.

Mazkur xabar yozilayotgan vaqtda 45 ming kishi sayt ichiga kirish uchun navbatda turgan edi. Ularning har biri faqat bir daqiqani hisoblab boradigan hisoblagichni ko‘radi — tashrifchiga sayt bilan tanishish uchun shuncha vaqt taqdim etiladi.

Vaziyatning murakkabligi shundaki, sahifa yangilanib yoki yopilib ketsa, navbatdagi o‘rin yo‘qoladi va navbatga qaytadan turish kerak bo‘ladi. 30 iyun holatiga ko‘ra, 300 ming kishi saytga kirishga uringan bo‘lib, ularning faqat 55 ming nafari buning uddasidan chiqa olgan. Foulining so‘zlariga ko‘ra, kutayotgan 9 kishining har 8 nafari navbati kelishini kutmay, sahifani tark etadi.

Fouli saytni mart oyida ishga tushirgan, biroq unga faqat shu haftada e’tibor qaratildi. Mashhur bloger Jonni Uebber «Eng eksklyuziv sayt»ni «mutlaqo befoyda» resurslar ro‘yxatida birinchi o‘ringa qo‘ydi (ro‘yxatdan, shuningdek, maysaning o‘sishini jonli translyasiya qiladigan sayt va shunchaki pushti sahifa ham bor). Keyin Reddit’ning bosh sahifasida Foulining loyihasiga havola paydo bo‘ldi va shundan so‘ng saytda tashrifchilar oqimini qayta ishlash bilan bog‘liq muammolar yuzaga kela boshladi.

Saytning ichida nima borligini Fouli ma’lum qilmayapti. Navbati etib, saytga kirolganlarning Reddit’dagi izohlariga ko‘ra, sayt internetda xizmat ko‘rsatgan mashhur jonivorning suratini namoyish etadi — lekin bu jonivor na og‘maxon va na echkidir.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Texnologiya » «Eng eksklyuziv sayt»ga kirish uchun 45 ming kishi navbatga turdi