Quyosh nuri inson organizmi uchun muhim tabiiy manbalardan biri hisoblanadi. U organizmda D vitamini ishlab chiqarilishiga yordam beradi. Agar inson uzoq vaqt quyosh nuridan yetarlicha bahramand bo‘lmasa, immunitet susayishi va charchoq hissi kuchayishi mumkin. Bu esa umumiy salomatlikka salbiy ta’sir ko‘rsatadi.
Mutaxassislar ta’kidlashicha, quyosh nuri yetishmasligi ruhiy holatga ham ta’sir qiladi. Ayrim insonlarda kayfiyat tushishi, tushkunlik va energiya yetishmasligi kuzatilishi mumkin. Ayniqsa, kunlari qisqa bo‘lgan fasllarda bunday holatlar ko‘proq uchraydi.
Shuningdek, D vitamini tanqisligi suyak va mushaklar bilan bog‘liq muammolarga sabab bo‘lishi mumkin. Bolalarda bu holat o‘sish jarayoniga ta’sir qilsa, kattalarda suyak mo‘rtlashishi xavfini oshiradi. Shu bois, quyosh nuridan me’yorda foydalanish muhim hisoblanadi.
“Zamin”ni Telegramʻda oʻqing!
