Иқтисодий тадқиқотлар ва ислоҳотлар маркази (ITIM) томонидан ўтказилган таҳлилларга кўра, Ўзбекистонда ишбилармонлик фаоллиги индекси (IFI) 2025-йил сентябрь ойида 1162 бирликни ташкил этди. Бу кўрсаткич август ойига нисбатан 16,2 фоизга, ўтган йилнинг шу даврига қараганда эса 18,5 фоизга юқорилаган.
Ўсиш нимага боғлиқ?
Мутахассисларнинг фикрига кўра, ишбилармонликнинг ошишига бир нечта омиллар таъсир кўрсатган:
- Банк операциялари сонининг 2,3 фоизга ортиши;
- Товар-хом ашё биржасида савдонинг 38 фоизга кўпайиши;
- Товар белгилари рўйхатга олишдаги фаоллик 13,8 фоизга ўсган.
Бироқ шунга қарамай, фаолият кўрсатаётган корхоналар сонида 1,3 фоизлик пасайиш қайд этилган. Бу эса умумий кўрсаткичга жиддий таъсир қилмаган.
Қайси ҳудудлар етакчи?
Ҳудудлар кесимида эса Андижон вилояти ишбилармонлик фаоллиги бўйича 44,6 фоизли ўсиш билан биринчи ўринда турмоқда. Ундан кейин:
- Хоразм – 42,9 %,
- Жиззах – 41,8 %,
- Тошкент вилояти – 41,3 %.
Бу натижалар вилоятларда иқтисодий муҳит яхшиланиб бораётганидан дарак беради.
“Zamin”ни Telegram'да ўқинг!
