Waymo Нью-Йоркда автоном машиналар синовига рухсат олди

Waymo компанияси Нью-Йорк шаҳрида автоном автомобилларини синовдан ўтказиш учун биринчи бўлиб шаҳардан рухсатнома олди, деб TechCrunch хабар берди. Компания маълум қилишича, синовлар дарҳол бошланади.

Рухсатнома доирасида Waymo ўзининг Jaguar I-Pace электр SUV моделидан саккизтасигача автомобилни Манҳеттен ва Бруклин марказида сентябрь охиригача йўлга чиқаради. Машиналарда доим малакали оператор бўлиши шарт ва унинг қўли рульда туриши керак. Шунингдек, йўловчи ташишга ҳозирча рухсат берилмаган.

Бу қадам компанияни Нью-Йоркда роботакси хизматини йўлга қўйишга яқинлаштиради. Waymo ҳозир Сан-Франсиско, Остин, Феникс ва Лос-Анжелесда фаолият юритади. Нью-Йорк эса мураккаб йўл инфратузилмаси билан синов учун энг қийин шаҳарлардан бири ҳисобланади.

Нодирбек Раззоков

«ЗАМИН.УЗ» муҳаррири