Tesla Модел С ва Модел Х ишлаб чиқаришдан олинди

Tesla компанияси ўзининг афсонавий Tesla Модел С ва Tesla Model X электромобилларини ишлаб чиқаришни расман тўхтатди. Заводлардаги бўшаган ишлаб чиқариш линиялари эндиликда компаниянинг инновацион Оптимус роботларини йиғиш учун қайта жиҳозланади. Бу ҳақда Ixbt.com хабар беради.

2012-йилда Модел С, 2015-йилда эса Модел Х тақдим этилганидан буён ушбу моделлар дунё бўйлаб жами 750 000 донадан ортиқ сотилди. Улар нафақат премиум сегментдаги илк оммавий электромобиллар бўлди, балки автомобил саноатида масофа захираси, динамика ва рақамли архитектура бўйича янги стандартларни ўрнатди.

Ушбу моделлар Tesla компаниясининг бозорга мустаҳкам ўрнашишига замин яратди. Кейинчалик Tesla Model 3 электромобилларни оммалаштиришда муҳим рол ўйнади, Tesla Model Y эса кроссоверлар бозорида компаниянинг асосий савдо драйверига айланди.

Шуни таъкидлаш жоизки, ўтган йили Toyota RAV4 дунё бўйлаб энг кўп сотилган автомобилга айланиб, Tesla Model Y ва Ford Ф-150 каби хит моделларни ортда қолдиришга муваффақ бўлди.

Nodirbek Razzokov

«ZAMIN.UZ» муҳаррири

+ Zamin.uz сайтини Googleга қўшинг