08:18 / 21.11.2022

Афғонистонда йўловчи автобуси дарёга қулаши оқибатида 9 киши ҳалок бўлди (фото)

^{Фото: Tasnim news}
Афғонистоннинг Бағлон вилояти Хонжон туманида 19 ноябрь куни, тунда йўловчи автобуси дарёга қулаб тушди. Бу ҳақда Tasnim news хабар берди.

Кобулдан Жузжонга кетаётган 580 русумли йўловчи автобуси Хонжон туманида йўлдан чиқиб кетиб, дарёга қулаган. Ҳодиса оқибатида 9 киши, жумладан аёллар ва болалар ҳалок бўлган. Жароҳатланганлар эса 40 кишини, бир бола, икки аёл ҳамда 38 нафар эркак, ташкил қилмоқда.

^{Фото: Tasnim news}
«Толибон»нинг Бағлон полиция бошқармаси матбуот котиби Шер Аҳмад Бурҳони ҳодисага ҳайдовчининг эҳтиётсизлиги ва техник носозлик сабаб бўлганини қайд этган. Ярадорлар касалхонага олиб кетилган.

^{Фото: Tasnim news}

^{Фото: Tasnim news}
17 ноябрь куни Покистонда йўловчи автобуси чуқурликка тушиб кетиши оқибатида 20 киши ҳалок бўлганди. Қурбонларнинг 11 нафари ёш болалар бўлган.