Истанбулда янги ФEТОчилар қўлга олинди

Истанбулдан ташқари яна 5 вилоятдаги 33 манзилда ўтказилган ушбу рейд тадбирларида республикада фаолияти таъқиқланган Фатҳуллоҳчи (Фатҳуллоҳ Гулен бошчилигидаги) террор ташкилотининг (ФEТО) молиявий тузилмасига қарши уюштирилган операцияда 28 нафар гумондор қўлга олинди.

Истанбул Контрабанда жиноятларига қарши кураш бўлими гуруҳи, Контрабанда ва уюшган жиноятчиликка қарши кураш бошқармаси координациясида ўтказилган “Гази Тургут Аслан операцияси” доирасида ФEТОни молиялаштирган ва ҳозирги тузилмасида фаолият олиб борган 33 нафар гумондорнинг шахсини аниқлади.

Истанбул, Анталия, Бурса, Денизли ва Эскишеҳирда 33 манзилга бир вақтда операция ўтказган тезкор гуруҳлар, 28 нафар гумондорни қўлга олди. Манзилларда ўтказилган тинтувлар чоғида 43 минг 195 лира, 65 минг 190 доллар, 19 минг 300 евро, 315,42 грамм олтин, 4 килограмм кумуш, 2 дона “Ф” серияли 1 доллар мусодара қилинди. Қўлга олинган гумондорлар полиция бўлимига олиб кетилди, манзилларида бўлмаган 5 нафар гумондорни қидирув ишлари давом этмоқда.

Янгиликлар