Макрон: “Нигер хунтаси Франция элчихонасига озиқ-овқат олиб киришга рухсат бермаяпти”
Фото: BBC
Франция президенти Эммануэл Макрон Франциянинг Нигердаги элчиси дипломатик миссия биносида виртуал гаровда яшаётгани ва мамлакатда ҳокимиятни эгаллаб олган ҳарбийлар элчихонага озиқ-овқат олиб киришга рухсат бермаётганини айтди, дебёзмоқдаBBC.
26 июль куни президент Муҳаммад Базумни ҳокимиятдан ағдарган Нигер ҳарбий хунтасиФранция элчисига 48 соат ичида мамлакатни тарк этиши кераклигиниайтди. Аммо Париж хунта талабларига бўйсунишдан ва янги тузумнинг қонунийлигини тан олишдан бош тортди.
Макроннинг сўзларига кўра, элчи“ташқарига чиқа олмайди, у персона нон грата деб эълон қилинга ва унга овқат берилмаяпти”.
Франция президенти бир неча ҳафтадан бери Нигердаги элчини чақириб олишдан бош тортмоқда. У хунтанинг талабларинипровокациондеб ҳисоблайди.
Журналистларнинг элчи ватанига эвакуация қилинадими, деган саволига Макрон президентБазум билан келишилган чоралар кўрилишини, чунки у мамлакатдаги ягона қонуний ҳокимият эгаси эканини айтди.
Нигерда ҳарбий тўнтариш
Нигерда 26 июль куни ҳарбий тўнтариш содир бўлди. Президент гвардияси давлат раҳбари Муҳаммад Базумни ҳокимиятдан четлатди. Икки кундан сўнг президент гвардияси бошлиғи генерал Абдураҳмон Тчиани ўзини янги давлат раҳбари деб эълон қилди.
Ғарбий Африка давлатлари иқтисодий ҳамжамияти — ECOWASНигерга ҳарбийларни киритишга тайёрлигини эълон қилди. Бунга жавобан давлат тўнтаришлари натижасида ҳокимиятга келган ҳарбийлар томонидан бошқариладиган Мали ва Буркина-Фасо “Нигер ишларига ҳар қандай ҳарбий аралашув уларга қарши уруш эълон қилиш билан баробар бўлишини” билдирди.
Нигер Франциянинг собиқ мустамлакаси. Ҳокимиятни қўлга олган ҳарбийларФранция билан тузилган барча келишувлар бекор қилинганиниэълон қилди ва француз қўшинларидан чиқиб кетишни талаб қилди.Мамлакатда 1,5 мингга яқин франциялик аскар бор.Эммануэл Макрон Нигерга ECOWAS ҳарбий аралашувини қўллаб-қувватлашга тайёрлигини эълон қилди.
