ҲАМАС Фаластинга ўз тақдирини ўзи белгилаш ҳуқуқини беришга чақирди

ҲАМАС ҳаракати дунёнинг барча давлатларини фаластинликларга ўз тақдирини ўзи белгилаш ва пойтахти Қуддус бўлган мустақил давлат яратиш ҳуқуқини беришга чақирди. Бу ҳақда ҳаракат вакиллари Telegram-каналида ёзган.

“Биз дунёнинг барча давлатларини Фаластинни қўллаб-қувватлашга ва халқимизга ўз тақдирини ўзи белгилаш ҳамда пойтахти Қуддус бўлган мустақил давлат яратиш ҳуқуқини беришга чақирамиз”, — дейилади баёнотда.

ҲАМАС, шунингдек, “Фаластинликлар геноциди”га алоқадорларни жавобгарликка тортишга чақирди. 19 ноябрь куни Туркия президенти Ғазо секторидаги геноцид бўйича халқаро судга даъво аризаси бериш ниятида эканлигини маълум қилганди.

Бир кун аввал Испания бош вазири Педро Санчес Ғазо секторидаги “гуманитар фалокатни тўхтатиш”га чақириб, Фаластинни қўллаб-қувватлаганди. Шунингдек, у Бельгия бош вазири Александр Де Кроо билан биргаликда узоқ муддатли гуманитар келишувлар ва тинчлик бўйича музокаралар ўтказишни таклиф қилди. Бунга жавобан Исроил ТИВ Испания ва Бельгия элчиларини тушунтириш бериш учун чақирди.

Шухрат Раззаков

«ЗАМИН.УЗ» муҳаррири

Мавзуга оид янгиликлар

Демократлар Трампнинг бепул ҳуқуқий хизматлар бўйича келишувларини текширмоқда: коррупция ёки босим ўтказилганми?

Бугун, 00:42

Янги муддатлар қўйишдан уялмаётган Трамп: бунинг охири борми?

Бугун, 00:25

ChatGPT шифокорлар топа олмаган ташхисни аниқлади: америкалик аёлнинг ажойиб ҳикояси

Бугун, 00:09

Трамп бадавлат америкаликларга солиқ оширилишини «катта фалокат» деб атади

Кеча, 23:47

Кўча супуриб юрган қиз қандай қилиб бир кунда юлдузга айланди?

Кеча, 22:04

Трамп Россиянинг Киевга ҳужумини кескин танқид қилди: «Путин, тўхта!»

Кеча, 20:20