Фото: AFP
Пентагон ўзга сайёраликлар мавжудлиги ва АҚШ ҳукуматининг улар билан ўзаро алоқаси ҳақида ҳеч қандай далил топа олмади. Департаментнинг хулосалари 8 март куни АҚШ Конгрессига барча соҳалардаги аномалияларни ҳал қилиш учун махсус идора (ААRО) томонидан тақдим этилди. Бу ҳақда Deutsche Welle хабар берди.
Ҳисобот муаллифлари 1960 йилларда номаълум учар жисмлар (НУЖ) ҳақидаги ҳисоботларнинг кўпайишини Америка айғоқчи самолётлари ва космик технологиялар синовлари билан боғлаган.
Ҳисоботда айтилишича, НУЖ ҳақидаги кўплаб маълумотлар мавҳумлигича қолмоқда. Бироқ, экспертларга кўра, “кўпроқ ва сифатли маълумотлар ёрдамида” бу ҳолатларнинг аксарияти текширилиши ва улар ўзга сайёраликлар ҳаракати билан боғлиқ эмас, деган хулосага келиш мумкин. Бироқ ААRО уларнинг ҳисоботи кўпчиликнинг ўзга сайёраликлар борлигига ишончини йўққа чиқармаслигини тан олган.
2021 йил июнь ойида АҚШ разведкаси НУЖ ҳукуматнинг миллий хавфсизлигига таҳдид солиши мумкинлиги ҳақида ҳисобот чоп этган. 2004 ва 2021 йиллар оралиғида идора НУЖ кузатилиши мумкин бўлган 144 та ҳолатни санаб ўтган, уларни изоҳлашнинг имкони бўлмаган.
2020 йил август ойида Пентагон НУЖ кузатилиши ҳолатларини ўрганиш бўйича махсус ишчи гуруҳ тузилганини эълон қилган эди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Зеленскийга ўзини қутқаришнинг ноодатий усулини таклиф қилишди
Фронтдаги вазият: Торецк ҳам руслар қўлига ўтмоқда, Константиновкага хавф яқинлашмоқда
Ямандаги ёқилғи қуйиш шохобчасида портлаш содир бўлди (видео)
Япониядаги майдони 9 м² бўлган квартираларда одамлар қандай яшайди? (фото, видео)
Лос-Анжелесдаги ёнғинларни нега ўчириб бўлмаяпти?
Лос-Анжелесда кварталлар, машҳурлар ва миллионерларнинг уйлари ёниб кетди (фото)
Панама президенти Трамп устидан БМТга арз қилишини айтди
Германияда захирадаги ҳарбийлардан иборат махсус бўлинма ташкил этилади
