Фото: Софья Гатилова / Reuters
АҚШнинг Украинага 1 миллиард долларлик янги ҳарбий ёрдам пакетига, жумладан, HIMARS ялпи ўт очиш реактив тизимининг ўқ-дорилари, RIM-7 ва AIM-9M ҳаво мудофаа ракеталари, Stinger зенит ракеталари, танкка қарши қуроллар ва зирҳли машиналар киради. 24 апрел, чоршанба куни Пентагон веб-сайтида эълон қилинган рўйхатда шунингдек, 155 мм артиллерия снарядлари, 105 мм снарядлар ва 60 мм миномёт снарядлари, патронлар ва УУАга қарши ўқ-дорилар бор.
Бундан ташқари, пакетга Bradley пиёда аскарлар жанговар машиналари, HMMWV автомобиллари, миналарга чидамли зирҳли транспортлар (MRAP), тортиш ва жиҳозларни ташиш ҳамда логистика воситалари киради.
Қўшма Штатлар, шунингдек, TOW танкка қарши тизимлари учун ракеталар, Javelin танкка қарши кўчма комплекслари, AT4 танкка қарши граната отиш мосламалари, Claymore танкка ва пиёдаларга қарши миналар юборади. Ёрдам пакетига шунингдек, аниқ бомбалар, аэропортни қўллаб-қувватлаш ускуналари, тунги кўриш мосламалари, ўқув ўқ-дорилари, техник хизмат кўрсатиш ускуналари ва бошқалар киради.
АҚШ махфий равишда Киевга ATACMS ракеталарини етказиб берган
Шу билан бирга, АҚШ Украина ҳудудида фойдаланиш учун қисқа ва узоқ масофали ATACMS ракеталарини етказиб бергани маълум бўлди. Аввалига бир қатор Америка оммавий ахборот воситалари томонидан тарқатилган сўнгги ҳафталардаги махфий етказиб бериш ҳақидаги маълумотни Давлат департаменти вакили Ведант Пател тасдиқлади. «Қўшма Штатлар президентнинг бевосита кўрсатмаси билан Украинага ATACMS узоқ масофали ракеталарни етказиб берганини тасдиқлай оламан», деди у журналистларга ракеталар март ойидаги ёрдам пакетининг бир қисми эканлигини ва апрел ойида Украинага етиб келганини таъкидлаб.
Пателнинг таъкидлашича, етказиб бериш «Украина талабига кўра, оператив хавфсизликни сақлаб қолиш учун» эълон қилинмаган. Бир қатор оммавий ахборот воситалари ўз манбаларига таяниб, ATACMS ракеталари чоршанба куни АҚШ президенти Жо Байден томонидан имзоланган Украинага янги ёрдам пакетига киритилишини хабар қилмоқда. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Самарқандда ҳайдовчидан пора сўраган ЙПХ ходимлари ишдан бўшатилди
Халқаро суд: Германия Исроилга ҳарбий ёрдамни тўхтатишга мажбур эмас
Фаластин тарафдорлари намойишлари бутун дунё университетларини қамраб олмоқда
Тбилисидаги намойишлар: полиция қалампир газидан фойдаланди
Навоийда автомашинасига сирена ўрнатиб ҳаракатланган ҳайдовчига чора кўрилди
Самарқандда ЙПХ ходими ҳайдовчидан пора сўради: “Уч кишига тушлик олиб келинг”
Яна икки хорижий компания Ўзбекистонда пуллик автомобил йўли қуришга қизиқяпти
Русланбек Жиянов: "Япония терма жамоаси билан икки йил аввал ҳам тўқнаш келганмиз"
