Фото: Getty Images
Теҳрон бортида мамлакат президенти Иброҳим Раисий бўлган вертолёт ҳалокатига алоқадорликда айбламоқчи бўлса, Вашингтон кескин муносабат билдиради. Бу ҳақда президентнинг миллий хавфсизлик бўйича ёрдамчиси Жейк Салливан брифингда маълум қилди.
"Мен шуни айтишим мумкинки, бизнинг бунга ҳеч қандай алоқамиз йўқ. Агар у ёки бу босқичда Эрон бизни бунга ҳар қандай алоқадорлик учун жавобгарликка тортишга ҳаракат қилса, биз буни ўта қаттиқ, тўғридан тўғри ва намойишкорона рад этамиз", — деди у журналистлар учун ўтказилган брифингда тегишли масалага тўхталиб.
Аввалроқ Politico нашри Вашингтон Эрон расмийлари АҚШ ёки Исроилни Раисий бўлган вертолёт ҳалокатига алоқадорликда айблаши мумкинлигидан хавотирда эканини ёзганди. Нашрнинг қайд этишича, Вашингтон Теҳроннинг реакциясини диққат билан кузатиб, минтақавий статус-квони сақлаб қолишга умид қилмоқда ва шу билан бирга фаразий айбловлар Исроил билан муносабатлардаги кескинликнинг кучайишига олиб келиши мумкинлигидан хавотирда.
Эслатиб ўтамиз, 19 май куни Эрон президенти Иброҳим Раисий авиаҳалокат оқибатида ҳалок бўлди. Мамлакат шимоли-ғарбида Эрон президенти ва ташқи ишлар вазири бўлган вертолёт ҳалокатга учраганди.
Кучли туман ва тоғли ҳудуд туфайли ҳалокатга учраган вертолётни қидириш 10 соатдан ортиқ давом этган. Мутахассислар фикрича, фалокат техник носозлик ёки инсон омили туфайли юз берган бўлиши мумкин. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Покистонда оломон Қуръонни таҳқирлаган сайёҳни ёқиб юборди
Узоқ умр кўриш учун ёрдам берадиган 5 та фойдали одат
Тони "Фьюри – Усик" реванш жанги учун прогноз берди
Сиёсий эксперт: “Путиннинг Осиёга ташрифи АҚШ учун фалокатга айланди”
БМТ раҳбари ҳарбий кескинлик шароитида янги хавфдан огоҳлантирди
Россия илк бор Украинага 3 тоннали авиабомба ташлади (видео)
Путин: «Ғарб Зеленскийни келаси йил ярмига қадар алмаштиради»
Жанубий Корея Путиннинг КХДРга ташрифига жавоб берди
