Фото: xras.ru
Қуёшда 2024 йил ёзининг энг кучли чақнаши юз берди, унга мутахассислар энг юқори Х баллни қўйди. Бу ҳақда 16 июл куни Россия Фанлар академиясининг Қуёш астрономияси лабораторияси маълум қилди.
Лаборатория веб-сайтида айтилишича, «чақнаш ушбу циклдаги рекорд ҳодисадан (14 май куни содир бўлган Х8.7 чақнаши) тахминан тўрт баравар заифроқ, аммо шунга қарамай, бутун ёз даври учун Қуёшдаги энг йирик ҳодисага айланди».
Қайд этилишича, қуёш фаоллиги 12 июл атрофида сезиларли даражада ошган. Сўнгги тўрт кун ичида тўртинчи даражадаги қуёш фаоллигининг ўндан ортиқ чақнаши содир бўлди.
14 май куни Қуёшда Х тоифасидаги энг юқори даражадаги чақнаш содир бўлди, у қисқа тўлқинли радио алоқасининг узилишига олиб келди.
Ҳозирги вақтда магнит бўронларининг частотаси ва кучи яқин йилларда пасайиши учун ҳеч қандай шартлар йўқ. 2023, 2024, 2025 йиллар қуёш фаоллигининг максимал даври экани ва бу тахминан ҳар 11 йилда бир марта содир бўлиши таъкидланмоқда.
Шифокорларнинг фикрича, қуёш бўронлари ва чақнашларининг одамларга таъсири ҳақида ҳеч қандай далил ёки ишончли маълумотлар йўқ. Аммо индивидуал реакциялар ҳали ҳам содир бўлади.
Одамларда электромагнит нурланишни сезадиган махсус органлар йўқ. Аммо биз тирик мавжудот эканимиз ва ичимизда турли электрокимёвий реакциялар содир бўлгани сабабли, электромагнит тўлқинлар ҳам инсон танасига таъсир қилиши мумкин.
Инсоннинг саломатлигига об-ҳавонинг кескин ўзгариши, атмосфера босимининг кўтарилиши, юқори қуёш фаоллиги даврлари ва кейинги магнит бўронлари таъсир қилиши мумкин. Ушбу ҳодисалар пайтида безовталик ёки бошқа аломатларга дучор бўлган одамларнинг саломатлиги об-ҳавога боғлиқ ҳисобланади. Об-ҳавога боғлиқлик ва магнит бўронларининг одамларга таъсири фан томонидан исботланмаган, аммо одамлар кўпинча ўзини ёмон ҳис қилишини бу билан боғлашади.
Қуёш чақнашлари кўпинча бош оғриғи, мигрен, вегетатив тизим ва вестибуляр аппарати фаолиятининг бузилиши туфайли бош айланиши, қон босимининг кескин ўзгариши туфайли бош оғриғи ва бош айланиши, орқа ва бўғимларда сурункали оғриқнинг кучайишига олиб келиши мумкин. Қуёш бўронлари учун энг сезгир соҳалардан бири — одамнинг ҳиссий ва ақлий ҳолатидир. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Селдерей, сабзи ва қанд миқдорини оширувчи кутилмаган бошқа маҳсулотлар
Испания Англияни мағлуб этиб, Евро—2024 ғолибига айланди
Чинозда келинига шилқимлик қилган 70 ёшли қайнота 3 суткага қамалди
Трампга суиқасд Америка ва президентлик сайловлари учун нимани англатади?
Қишлоқликларни «жирканч маҳлуқот» деб атаган қиз жаримага тортилди
Трамп ўзига уюштирилган қотиллик ҳақида: “Мени ё омад қутқариб қолди ёки худо”
Жаҳоннинг энг зўр боксчиси Теренс Кроуфорд Исроил Мадримов ҳақида нималар деди?
Маск Трамп кампаниясига миллионлаб доллар ажратади
