Украинада - УҚК маблағларини талон-торож қилиш иши бўйича махсус операция

^{Фото: Reuters}
Украинада мудофаа эҳтиёжлари учун ажратилган бюджет маблағларини талон-торож қилиш ишида жиноий схемалар ташкилотчилари ва иштирокчиларини фош қилиш бўйича кенг кўламли махсус операция ўтказилди. Бу ҳақда 9 август, жума куни Украина Бош прокуратураси маълум қилди.

Унга кўра, давлатга етказилган зарар миқдори 1,5 миллиард гривнадан (33 миллион евро) ошган. 28 нафар шахс жиноий фаолиятда гумон қилинмоқда, улардан тўққиз нафари уюшган жиноий гуруҳ аъзоларидир. Тергов маълумотларига кўра, гап Украина Мудофаа вазирлиги, ҳарбий қисмлар, вилоят ҳарбий маъмуриятлари ва шаҳар кенгашлари вакиллари, шунингдек, корхоналар директорлари ва тижорат тузилмалари ходимлари ҳақида бормоқда.

Оширилган нархларда харидлар, ҳарбий кийимни қабул қилишда эътиборсизлик

Гумонланувчилар товарларни оширилган нархларда харид қилиш, иш нархини ошириб кўрсатиш, хизмат вазифаларини лозим даражада бажармаслик, ҳарбий кийимни қабул қилишда эҳтиётсизлик ва қалбаки ҳужжатлардан фойдаланишда айбланмоқда. Айбланувчилардан бири, терговчиларга кўра, давлат шартномасини четлаб ўтиб, давлат маблағларини корхонага ўтказган.

Ҳуқуқ-тартибот идоралари ходимлари томонидан 65 дан ортиқ тинтув ўтказилиб, эҳтиёт чорасини танлаш масаласи ҳал қилинмоқда.

Бу - Украина қуролли кучлари учун мўлжалланган бюджет маблағларини талон-торож этиш фактларини аниқлаш бўйича иккинчи йирик махсус операция. Биринчисида 30 киши гумон остида қолганди.

Январ ойида мамлакат Мудофаа вазирлиги бошқармаларидан бирининг собиқ ва амалдаги раҳбарлари, Украина компанияси раҳбари ва тижорат директори, шунингдек, хорижий компаниялардан бирининг вакили мансаб ваколатини суиистеъмол қилиш орқали мулкни тортиб олишда айбланган эди. “Замин” янгиликларини “Telegram”да кузатиб боринг