Ҳаррис аксар штатларда рейтинг бўйича Трампни ортда қолдирмоқда

^{Фото: Google Images}
Демократик партиядан президентликка номзод Камала Ҳаррис штатларда аҳоли орасида қўллаб-қувватлаш бўйича республикачи рақиби Дональд Трампни ортда қолдирди. Буни Cook Political Report сиёсий ахборотномаси ўтказган сўров натижалари тасдиқламоқда.

Тадқиқотга кўра, Ҳаррис Пенсилвания, Висконсин, Аризона, Мичиган ва Шимолий Каролина штатларида Трампдан устунликка эга. Невада штатида республикачи етакчилик қилмоқда, Жоржия штатида эса ҳар икки номзодни қўллаб-қувватлаш даражаси бир хил.

Қайд этилишича, Ҳаррис умумий ҳисобда Трампдан 2 фоизлик устунликни сақлаб турибди – респондентларнинг 46 фоизи уни қўллаб-қувватлашга, 44 фоизи эса рақибини қўллаб-қувватлашга тайёр. Респондентларнинг яна 5 фоизи мустақил номзод кичик Роберт Кеннеди учун овоз бериш ниятида.

Таҳлилчиларнинг фикрича, Ҳарриснинг мавқейи “унинг атрофида демократларнинг тўпланиши ва мустақил сайловчиларнинг қўллаб-қувватлаши” туфайли мустаҳкамланган.

Сўровнома 26 июлдан 2 августгача етти штатдаги 2800 дан ортиқ сайловчи ўртасида ўтказилган. “Замин” янгиликларини “Telegram”да кузатиб боринг