![Россия ҳарбийлари Курск вилоятидаги дўконни талон-торож қилди](/uploads/posts/2024-08/x38c9440e1f_zghs9ezii8n7pxvb3ngbkubyfrvfmz9i.webp.pagespeed.ic.JHTBg38Ak0.webp)
Фото: Видеодан кадр
Россия Қуролли кучлари назорати остидаги Курск вилояти Глушково поселкасида ҳарбий кийимдаги икки киши уяли телефонлар дўконини талон-торож қилишди. Воқеа акс этган видео 18 август, якшанба куни кечқурун «Типичный Курск» Telegram-каналида чоп этилди. «Агентство» журналистлари улардан бирининг шахсини аниқлашди - у чечен бўлинмаларининг жангчиси бўлиб чиқди. Ижтимоий тармоқларда у Юсуф Абдулвадудов деб ўзини таништиради ҳамда ва суратлардан бирида «Ахмат Қодиров номидаги полк» ёзуви туширилган футболкада акс этган.
Чечен жангчиларининг талон-торож этишда иштирок этишини Курск вилояти губернатори вазифасини бажарувчи маслаҳатчиси Роман Алехин билвосита тасдиқлади - у Telegram’да «Гуруч курмаксиз бўлмайди» сарлавҳали пост ёзиб, унга икки чечен уяли телефон дўконини талон-торож қилаётгани акс этган видеони юбормасликни сўради, чунки ҳолат ҳақида аллақачон «ваколатли органларга» хабар берилган. Алехин, шунингдек, бошқа шунга ўхшаш ҳодисалар ҳақида хабар беришга чақирди ва шу билан бу Россия ҳарбийлари томонидан талон-торож қилишнинг алоҳида ҳолати эмаслигини истисно этмади.
Чегара ҳудудларида рус ҳарбийлари ва Курск вилоятида Украина ҳужуми
Telegram’да эълон қилинган видеокузатув камерасида аскарларнинг уяли телефонлар дўконидан товарларни олиб, дераза ва витриналарни синдираётгани акс этган. Видео чоп этилгандан сўнг россиялик ҳарбий блогерлар талончилар топилгани ҳақида хабар беришди.
Ўтган ҳафта маҳаллий ҳокимият Глушково поселкаси қўшни Суджа туманидаги Украина Қуролли кучларининг ҳужуми туфайли мажбурий эвакуация қилинишини билдирди. Глушково Россия ҳарбийлари назорати остида қолмоқда.
«Агентство» эслатишича, айнан чечен бўлинмалари чегара ҳудудларини Украина Қуролли кучлари ҳужумларидан ҳимоя қилиши керак эди, бироқ Украина армияси олдинга силжишини тўхтата олмаган. «Ахмат» махсус кучлари қўмондони Апти Алаудиновнинг айтишича, чечен бўлинмалари украиналик ҳарбийлар билан «шунчаки тўқнаш келмаган» ва шунинг учун ҳужумни қайтара олмаган. Шу билан бирга, россиялик ҳарбий блогерлар «Ахмат» жангчилари Украина Қуролли кучларига қаршилик кўрсатмаганини ёзишган.
Украина Қуролли кучларининг Курск вилоятидаги кенг кўламли ҳужум операцияси 6 августдан бери давом этмоқда. Бу Россиянинг Украинага қарши кенг кўламли уруши 2022 йил февралида бошланганидан бери бундай турдаги биринчи ҳужумдир. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
![Суперлига. "Сўғдиёна" сафарда "Нефтчи"ни йирик ҳисобда мағлуб этди расм](/uploads/posts/2024-08/x6899465e69_b60b37e68ad842ec8895b7b5f86bd0e3.webp.pagespeed.ic.y33Q0QpZLj.webp)
Суперлига. "Сўғдиёна" сафарда "Нефтчи"ни йирик ҳисобда мағлуб этди
![Британия дипломати ҳукумат Исроилга қурол сотгани учун истеъфога чиқди расм](/uploads/posts/2024-08/x5d25e95ce9_photo_2024-08-19_20-47-44-jwnxfuwx.webp.pagespeed.ic.BlHY_w1em8.webp)
Британия дипломати ҳукумат Исроилга қурол сотгани учун истеъфога чиқди
![Россия Курск областини қутқариш учун Украинадаги юришини тўхтатиши мумкинми? расм](/uploads/posts/2024-08/xed93e9cd42_hvrph7t1vnnpflz8emivl_zxn0eqgsub.webp.pagespeed.ic.ieaqsc_Vu0.webp)
Россия Курск областини қутқариш учун Украинадаги юришини тўхтатиши мумкинми?
![Февзи Давлетов: "Пахтакор" билан ўйин учун футболчиларни руҳан тайёрлаш шарт эмас" расм](/uploads/posts/2024-08/xe2ce771029_davletov04-2024.webp.pagespeed.ic.AeeV3YsjEy.webp)
Февзи Давлетов: "Пахтакор" билан ўйин учун футболчиларни руҳан тайёрлаш шарт эмас"
![Трамп Маскни ўз маслаҳатчиси сифатида кўриш истагини билдирди расм](/uploads/posts/2024-08/x73c9c43db2_photo_2024-08-20_17-33-05-liaqiqqy.webp.pagespeed.ic.pCsAuK9ShI.webp)
Трамп Маскни ўз маслаҳатчиси сифатида кўриш истагини билдирди
![Амазон компаниясида ишлаган қорақалпоғистонлик ўз стартапига 4 миллион доллар сармоя жалб қилди расм](/uploads/posts/2024-08/xc0b9a5ab7a_920__95_3225143399.webp.pagespeed.ic.KilCuQZp3N.webp)
Амазон компаниясида ишлаган қорақалпоғистонлик ўз стартапига 4 миллион доллар сармоя жалб қилди
![ИИББ масъули онлайн фирибгарлик ҳақида: “Сенга 3 млн доллар мерос қолдираман дейди” расм](/uploads/posts/2024-08/xcff5b0a91b_66c48a368f5ed.webp.pagespeed.ic.WO7jfJYIwC.webp)
ИИББ масъули онлайн фирибгарлик ҳақида: “Сенга 3 млн доллар мерос қолдираман дейди”
![Иван Бошкович: "Бир-икки йил катта футболда ўйнаган футболчини ёш деб бўлмайди" расм](/uploads/posts/2024-08/x1e00b70837_uffn0043.webp.pagespeed.ic.pMlo9nBNw7.webp)
Иван Бошкович: "Бир-икки йил катта футболда ўйнаган футболчини ёш деб бўлмайди"