АҚШ Махфий хизмати Илон Маскнинг ўчириб юборилган твити бўйича текширув бошлади

1 дақиқа ўқиш108
АҚШ Махфий хизмати Илон Маскнинг ўчириб юборилган твити бўйича текширув бошлади
Фото: Getty Images
АҚШ президенти ва унинг оиласи аъзолари хавфсизлигини таъминлашга масъул Махфий хизмат SpaceX асосчиси ва Х ижтимоий тармоғи эгаси Илон Маскнинг твити сабаб текширув бошлади, деб хабар беради Bloomberg.

Махфий хизматнинг маълум қилишича, Маскнинг пости ҳақидаги маълумотлар «ҳуқуқий мақсадларда тўпланган» ва тергов жараёнларига халақит бермаслиги учун ошкор этилмайди.

Axios’нинг таъкидлашича, Махфий хизматнинг тергови Маск бирор-бир жавобгарликка тортилишини англатмайди, аммо у президент Жо Байден ёки президентликка номзод Камала Ҳаррис учун хавф туғдирмаслигини исботлашга мажбур бўлади.

Гап Маск 15 сентябр куни кечқурун, Республикачилар партиясидан президентликка номзод Доналд Трампга уюштирилган ҳужумдан кейин ёзилган твит ҳақида кетмоқда. Маск Х ижтимоий тармоғи фойдаланувчилардан бирининг «Нима учун улар Доналд Трампни ўлдирмоқчи?», деган твитини репост қилган ва унга «Ҳеч ким Байден ёки Камалани ўлдиришга уринмаяпти», дея изоҳ қолдирган.

Фойдаланувчилар Маскдан твитни ўчириб ташлашни талаб қилди, аммо у бундай қилишдан бош тортди. Натижада, у эртаси куни твитини ўчириб, бу ҳазил бўлганини билдирди.

Маскнинг пости Оқ уйда танқид қилинди. «Президент Байден ва вице-президенти Ҳаррис кечаги ваҳимали янгиликлардан кейин эълон қилганидек, «мамлакатимизда сиёсий зўравонликка ёки ҳар қандай турдаги зўравонликка» ўрин йўқ ва «барчамиз ушбу можаро катта зўравонликни келтириб чиқармаслиги учун ўз ҳиссамизни қўшишимиз керак», — дейилади Оқ уй хабарида.

АҚШ собиқ президентига суиқасд

Республикачилар партиясидан президентликка номзод Доналд Трампга «яқин масофада» отишма юз берди. Бу ҳақда сайловолди штаби 15 сентябр куни ижтимоий тармоқдаги аккаунтида ёзган. Америка Қўшма Штатларининг собиқ президенти хавфсиз жойда экани хабар қилинди.

Шу билан бирга, Трампнинг ўғли, кичик Доналд Трамп ўзининг Х аккаунтида воқеа содир бўлган жой яқинидаги буталар орасидан АК-47 автомати топилганини даъво қилди. «Гумонланувчи қўлга олинган», деб қўшимча қилди кичик Трамп.

New York Post газетасининг хавфсизлик манбаларига таяниб ёзишича, ўқ фақат АҚШ махфий хизмати агенти томонидан отилган. Гумонланувчи қўлга олинган, бироқ унинг бундай қилишига нима сабаб экани ҳақида ҳеч нарса маълум эмас.
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?