Путин МДҲ етакчилари билан учрашувда қандай фикрлар билдирди?

^{© Sputnik / Кристина Кормилицына}
Йил якунига кўра МДҲ мамлакатлари ялпи ички маҳсулотининг ўсиши 4,7 фоизни ташкил этади, деди Россия президенти Владимир Путин МДҲ давлатлар раҳбарларининг норасмий учрашувида.

Путин МДҲга аъзо давлатлар давлат раҳбарларининг норасмий учрашувини очар экан, Оқтовдаги самолёт ҳалокати муносабати билан ҳамдардлик билдирди. Унинг сўзларига кўра, Россия ФВВнинг самолёти шифокорлар ва зарур ускуналар билан Қозоғистонга юборилади.

"Шундай қилиб, 2024 йил охирига келиб, Ҳамдўстлик мамлакатлари ялпи ички маҳсулотининг ўсиши 4,7 фоизни ташкил этиши прогноз қилинмоқда - бу ўртача жаҳон кўрсаткичидан юқори", — деди Путин.

Россия президентининг қайд этишича, МДҲ давлатлари жиноятчилик, терроризм ва гиёҳванд моддалар савдосига қарши курашда ҳамкорликни кучайтирмоқда.

“Ҳамдўстлик мамлакатлари экстремизм, трансчегаравий жиноятлар ва гиёҳванд моддалар савдосига қарши курашда ҳамкорликни кучайтирмоқда. Ҳуқуқни муҳофаза қилувчи органларнинг кундалик фаолияти ва алоқалари тартибга солинди”, — деди Россия етакчиси.

Путин ўз сўзида МДҲда ихтиёрий ва нотижорат ташкилотлари уюшмасини ташкил этишни қўллаб-қувватлади. Шунингдек, МДҲ давлат раҳбарларини 2025 йилда Москвада бўлиб ўтадиган Ғалабанинг 80 йиллиги муносабати билан ўтказиладиган тантаналарга шахсан таклиф қилди.

Владимир Путин қуйидагиларни маълум қилди:

• МДҲда импорт ўрнини босиш яхши суръатлар билан ривожланмоқда, Ҳамдўстлик давлатларининг технологик суверенитети мустаҳкамланмоқда;
  
• Ишончим комилки, биз ижтимоий-иқтисодий ривожланиш, барқарорлик ва хавфсизликни мустаҳкамлаш борасидаги муаммоларни ҳал этишда бундан кейин ҳам ҳамкорликда ишлаймиз;
  
• МДҲ давлатлари ўртасидаги тижорат тўловларида миллий валюталарнинг улуши бугунги кунда 85 фоиздан ошади ва бизнинг мустақил тўлов тизимларимиздан тобора кўпроқ фойдаланилмоқда.
  

Путин, МДҲ етакчилари, Норасмий саммит, Санкт-Петербург “Замин” янгиликларини “Инстаграм”да кузатиб боринг