Байденнинг иш столида Трамп учун қолдирилган мактубда нима дейилган эди?

^{Фото: fox5ny.com}
Жо Байден Оқ уйни тарк этмасидан олдин иш столи тортмасида янги сайланган президент Доналд Трамп учун мактуб қолдирди, деб хабар берди BBC.

Fox News телеканали хат мазмуни билан танишди, Байден унда ҳамкасбига энг яхши тилакларини билдирган.

^{Фото: EPA}
«Ҳурматли Президент Трамп, ушбу муқаддас идорани тарк этар эканман, сизга ва оилангизга кейинги тўрт йил давомида энг яхши тилакларимни тилайман. Америка халқи ва бутун дунёдаги одамлар бу уйдан тарихнинг муқаррар бўронларига қарши барқарорликни кутади. Ва мен келгуси йиллар халқимиз учун фаровонлик, тинчлик ва иноят даври бўлишини тилайман. Севимли юртимизга асос солинганидан буён Парвардигор бизни ёрлақагани каби, сизни ҳам ёрлақасин ва тўғри йўлга йўналтирсин», дейилади мактубда.

Қайд қилинишича, биринчи марта бундай хатни 1989 йилда Роналд Рейган янги президент Жорж Бушга қолдирган. Шундан сўнг, бу анъанага айланган. Мактуб шахсий хусусиятга эга, аммо баъзилари оммага эълон қилинган.

Трамп биринчи президентлик давридан кейин, 2021 йилда ҳам Байденга мактуб қолдирган эди. “Замин” янгиликларини “Telegram”да кузатиб боринг