АҚШ президенти Дональд Трамп ноқонуний муҳожирларни тезкор депортация қилиш учун 1798 йилда қабул қилинган "Чет эллик душманлар тўғрисида"ги қонундан фойдаланишни режалаштирмоқда.
Маълумотларга кўра, мазкур қонун жиноий тўдалар билан боғлиқ муҳожирларни суд муҳокамасисиз мамлакатдан чиқариб юбориш имконини беради. Бу эса иммиграция судларини четлаб ўтиш ҳамда депортация жараёнларини тезлаштиришга ёрдам бериши мумкин.
Бундан ташқари, Трамп маъмурияти ҳарбий ресурслардан фойдаланишни ҳам режалаштирмоқда. Масалан, Техас Миллий гвардиясига ноқонуний равишда АҚШга кирган шахсларни ҳибсга олиш ваколати берилган.
Ҳуқуқ ҳимоячилари танқиди
Трампнинг бу ҳаракатлари инсон ҳуқуқлари ташкилотлари томонидан кескин танқид қилинмоқда. Жумладан, Америка фуқаролик эркинликлари иттифоқи (ACLU) мазкур қонунни иммиграция сиёсатида ишлатиш қонуний эмаслигини таъкидламоқда.
Жиноий тўдаларга қарши янги чоралар
Шунингдек, Трамп маъмурияти жиноий тўдаларни террорчи ташкилотлар сифатида расмийлаштириш ва уларнинг аъзоларини депортация қилиш учун янги чораларни кўришни режалаштирмоқда.
Байден маъмурияти даврида АҚШга келган минглаб венесуэлалик муҳожирлар ҳам депортация қилинадиганлар рўйхатига киритилиши мумкин. “Замин” янгиликларини “Telegram”да кузатиб боринг
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
