Трампдан Эронга “охирги имконият”: музокаралар учун сўнгги чақириқ

Яқин Шарқдаги зиддиятли вазият фонида АҚШ собиқ президенти Дональд Трамп Эронга нисбатан муҳим ва сўнгги деб таърифланаётган таклифни тақдим этишга тайёрланмоқда. Бу ҳақда The Jerusalem Post нашри Европа ва Америка манбаларига таяниб хабар тарқатди.

Нашр таъкидлашича, Трамп маъмурияти томонидан таклиф қилинаётган бу “охирги имконият” Эроннинг ядровий дастурига оид уранни бойитишни мутлақо тўхтатиш тамойилига асосланган бўлиши мумкин. Ҳозирда мазкур шарт АҚШ учун келишув йўлидаги асосий талаблардан бири сифатида қаралмоқда.

The Jerusalem Post маълумотларига кўра, янги таклиф Теҳронга аввалги таклифга нисбатан анча қулайроқ шартларни ўз ичига олиши мумкин. Бу билан Вашингтон Эронни музокаралар столига қайтариш ва инқирозни тинч йўл билан ҳал этиш имконини сақлаб қолмоқчи.

Аввалроқ Дональд Трамп ўз чиқишларидан бирида Эрон ҳукумати музокараларга қизиқиш билдирганини маълум қилганди. Бироқ у бу жараён анча олдин бошланиши керак эди, деб ҳисоблайди. Унинг сўзларига кўра, бугунги кунда Эрон ҳарбий тўқнашувларда ютишни уддаламаётгани боис, мамлакат мулоқот бошлашга мажбур.

— Улар ҳозиргина музокара бошлаши шарт. Келишув имзоланиши мумкин, лекин шартлар ҳар икки тарафни қониқарли даражада бўлиши лозим, — деди Трамп.

Мазкур баёнот Вашингтоннинг Теҳронга нисбатан янги ёндашув кўринишида бўлиб, халқаро ҳамжамият эса ушбу таклиф ортидан янгича дипломатик жараён бошланишини умид қилмоқда.

Шунингдек, кузатувчилар фикрича, агар Эрон бу сўнгги чақириққа жавоб бермаса, минтақадаги зиддият янада авж олиши мумкин. «Замин»ни Telegram’да ўқинг!