Туркия Ташқи ишлар вазири Ҳакан Фидан Украина ва Россия ўртасидаги музокаралар ҳақида фикр билдириб, “агар бу жараён давом этса, туннел охирида ёруғлик пайдо бўлади”, деб таъкидлади.
Унинг сўзларига кўра, Россия ва Украина делегациялари тез фурсатда умумий келишувга эришишга ҳаракат қилмоқда. Фидан бу жараён шиддат билан давом этса, можарога вақтинчалик ечим топилиши мумкинлигини қайд этди.
Вазирнинг Сурия бўйича яна бир қатор баёнотлари ҳам эътиборга молик бўлди:
▪️“Сурияда янги раҳбарият шаклланган. Туркия унинг қонунийлигини тўлиқ қўллаб-қувватлайди.”
▪️“Қўлда қурол тутадиган гуруҳларнинг Сурияда мавжудлигини ҳеч қандай ҳолда қабул қилиб бўлмайди.”
▪️“ПКК билан боғлиқ ҳаракатлар туфайли Сурияда Ироқдаги сценарий такрорланишига йўл қўймаймиз.”
▪️“Туркия ҳозирги ўзгаришларга тўлиқ тайёр. Яна қирқ йил йўқотишни истамаймиз.”
Фиданнинг ушбу сўзлари минтақа тақдири ва халқаро муносабатлар учун муҳим ахборот сифатида эътироф этилмоқда. Музокаралар олдидан Туркиянинг позицияси ва келгуси қадамлари, минтақада барқарорлик сари янада катта аҳамият касб этмоқда.
«Замин»ни Telegram’да ўқинг!
