Испанияда кучли иссиқ об-ҳаво 20 та йирик ўрмон ёнғинларини ўчириш ишларини қийинлаштирмоқда. Ҳукумат ёнғинларга қарши курашиш учун қўшимча 500 нафар ҳарбий хизматчини сафарбар қилди.
Галисия минтақасида бир нечта ёнғинлар қўшилиб, катта ёнғинга айланган. Бу ҳолат сабабли айрим автомобил йўллари ва темир йўл қатнови вақтинча тўхтатилди.
Сўнгги бир ҳафта ичида ёнғинлар уч кишининг ҳаётига зомин бўлди ва 115 минг гектардан ортиқ ҳудудни ёндирди. Португалияда ҳам ўрмон ёнғинлари кенг тарқалиб, катта зарар келтирмоқда.
Мутахассислар айрим ҳудудларда ҳаво ҳарорати 45 даражагача кўтарилишини айтмоқда. Испания бош вазири Педро Санчес вазият оғирлигини тан олиб, қўшимча ҳарбий кучлар юборилишини маълум қилди.
Расмийларнинг сўзларига кўра, сешанбадан бошлаб ҳаво бироз салқинлашиши кутилмоқда. Ҳозирча эса юқори ҳарорат ва қуруқ об-ҳаво ёнғинларга қарши курашни жуда қийинлаштирмоқда.
«Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг
Мавзуга оид янгиликлар
